АҞӘА, ԥхынҷкәын 10 - Sputnik. Ателеканал RT аефир аҿы иҟоуижьҭеи 15 шықәса аҵра амш азгәанаҭоит, иара раԥхьаӡа акәны аефир ахь ицәырҵит ԥхынҷкәын 10, 2005 шықәса рзы.
"Ҳара иаҳхыҵит 15 шықәса. Адунеи амаҵзура ҷыдақәа, шәыԥсы еиҭашәкыр ҟалоит. Ҳамширазы акы ҳхы алаагаларц ҳҭахым", - ҳәа лҳәеит RT адиректор хада Маргарита Симоньиан.
15 шықәса ахыҵра амш аҽны аканал RT авидеоролик "Зеленая угроза" ӡырнагеит. Аролик аибашьра хьшәашәа аамҭақәа рызтәи аграждантә хьчаразы иҭырхуаз америкатәи арҵагатә фильмқәа рстилистикала иҭыхуп. Ирониала иҭәу ари аролик еиҭанаҳәоит RT-цәқәырԥақәа уҽшырцәухьчаша.
Аиубилеи аламҭалаз RT иара убасгьы даҽа роликк ҭнажьит. Атехнологиа "дипфейк" ахархәарала адунеитә лидерцәа урыстәылатәи ателеканал разыҟазаашьа аанарԥшуеит.
Жәларбжьаратә аилахәыра IPSOS аҭҵаарала есмчыбжьа 100 миллионҩык рҟынӡа ателеканал RT адунеи атәылақәа 47 рҿы иахәаԥшуеит. RT адунеи аҟны ажәабжьтә каналқәа рҟынтәи YouTube аҿы жәа миллионхәаԥшра иахысит, BBC, CNN, Al Jazeera, Euronews, FOX News ираԥыганы.
Ателеканал жәларбжьаратәи аԥхьахә International Emmy ажиури, Емир Кустурица, Роџьер Уотерс, Оливер Стоун назлоу рҟынтәи азхаҵара аиуит.
15 шықәса рыҩнуҵҟа RT шәкыла аинтервиуқәа ҭанаҩит. Аинтервиу рырҭон: Урыстәыла, Сербиа, Словениа, Шьамтәыла, Боливиа, Венесуела, Аргентина, Еквадор уҳәа атәылақәа рхадацәа. RT аҿы иҭыҵуеит атележурналистика Ларри Кинг ишоу, Пулитцертәи аԥхьахә алауреат Крис Хеџьес ипрограмма, Еквадор уаанӡатәи ахада Рафаель Корреаи Шотландиа уаанӡатәи аԥыза-министр Алекс Салмонди рпрограммақәа.
RT — жәынтәны аԥхьахә Emmy иафинааистхахьеит, ианашьоуп Монте-Карло имҩаԥысуа ателехәаԥшратә фестиваль ахьтәы ԥхьахә, акатегориа "Лучшая 24-часовая новостная программа" аҿы. Иааидкыланы ателеканал иаиухьеит шәкыла жәларбжьаратәи аԥхьахәқәа.
Иара убас шәаԥхьар ҟалоит:
-
Симониан Стоун RT иазикыз аҽхәаԥхьыӡқәа ахҳәаа рылҭеит
