Британиа аҳәамҭа ҟанаҵеит акоронавирус ишәарҭоу амутациа шымҩаԥысуа

Анапаҵаҩра
Апандемиа иаалагазар Британиа акоронавирус рыдбалоуп 2 004 219-ҩык, рыԥсҭазаара иалҵхьеит 67 075-ҩык.

АҞӘА, ԥхынҷкәын 21 - Sputnik. Акоронавирус амутациа ҿыц адбалоуп Британиа. Уи 70 процент рыла еиҳа иҿкуп аԥхьанатә ицәырҵыз авариант аасҭа ҳәа апресс-конференциаҿ аҳәамҭа ҟаиҵеит атәыла аԥыза-министр Борис Џьонсон. Абри атәы аанацҳауеит РИА Новости.

Британиа аиҳабыра рхантәаҩы иҳәеит ари авирус ҿыц еиҳа ишәарҭоуп ҳәа адыррақәа шыҟам.

Британиатәи аҵарауаа акоронавирус авариант ҿыц шаадырԥшыз атәы уаанӡа ирылеиҳәеит Британиа агәабзиарахьчара аминистр. Асабшазы Англиа аҳақьым хада, апрофессор Крис Уитти ишьақәирӷәӷәеит акоронавирус амутациа ҿыц иццакны ишрылаҵәо, еиҳа ахыхьчара шаҭаху.

Иҟоу аҭагылазаашьақәа ирхьырԥшны Џьонсон Лондони алада-мрагыларатәи арегионқәеи рҿы аԥкыра ҿыцқәа рылеиҳәеит. Иара иажәақәа рыла, ари локдаунуп. Англиа инашьҭарххны аԥкырақәа дырӷәӷәеит Шотландиеи Уельси.

Ажәабжьқәа зегьы
0