07:06 14 Мшаԥы 2021
Ишиашоу ицо аефир
  • USD77.25
  • EUR91.92
Адунеи аҿы
Икьаҿу ахьарԥш аиура
10 0 0

Еилаԥсоу аиқәԥарақәа рҿы Нурмагомедов 29 қәгылара рҿы 29 иааира игеит. Ақәԥаҩ иан ажәа лиҭеит уаҳа дшықәымгыло азы, 30-тәи иқәгыларагьы мап ацәикит. Ипромоутери UFC акомандеи ҭабуп ҳәа реиҳәеит ихы ааирԥшыртә алшара ахьирҭаз азы.

АҞӘА, хәажәкыра 19 - Sputnik. Акапан лас аҿы UFC ачемпион Хабиб Нурмагомедов официалла икариера хиркәшеит ҳәа Twitter аҿтәи идаҟьаҿы иҩит UFC ахада Деин Уаит.

Хәажәкыра 19 рзы Уаит урыстәылатәи ақәԥаҩ диҿцәажәеит, аха аспорт ахь ирхынҳәра илымшеит.

"Хабиб официалла икариера хиркәшеит, 100%. Уусушьа ахәаԥшра агәахәара ду снаҭон, иҭабуп зегьы рзы, сҩыза бзиа. Уаԥхьа ишьҭоу аусқәа зегьы насыԥ азааргалааит", - иҩуеит Уаит.

Нурмагомедов UFC амаҟа ианашьахеит 2018 шықәсазы америкатәи аспортсмен Ел Иаквинт дииаины. Уи ашьҭахь хынтә ититул ахьчаразы дықәгылеит. Дрындаҭлон аирланд Конор Макгрегор, америкаа Дастин Пуариеии Џьастин Гетжи. 2020 шықәсазы Гетжи данииааи ашьҭахь икареира шыхиркәшаз азы аҳәамҭа ҟаиҵеит.

Еилаԥсоу аиқәԥарақәа рҿы Нурмагомедов 29 қәгылара рҿы 29 иааира игеит.

Лаҵарамзазы Нурмагомедов UFC аҿтәи ититул азы еиндаҭлоит америкауаҩ Маикл Чендлери абразил Чарльз Оливеиреи.

Аԥхын еицырдыруа аспортсмен Аԥсны изыԥшуп аҟазаратә-класс дирбоит ҳәа.

Ихадоу атемақәа