АҞӘА, жәабран 23 - Sputnik. UFC ачемпион Хабиб Нурмагомедов Аԥсныҟа аара игәҭакуп аепидемиологиатә ҭагылазаашьа шааҭышәынтәалаз. Абри атәы Facebook аҿтәи идаҟьаҿы иҩит "Аԥсны агәыҳалалра ацҳаражәҳәаҩцәа" рфонд адиректор Едгар Ӷәазаа.
Иара иажәақәа рыла Нурмагомедов игәҭакуп аҟазаратә-класс аспортсменцәа рзы амҩаԥгареи Аԥсны анапхгара рԥылареи.
Нурмагомедов Аԥсныҟа иааразы ипланқәа ирылацәажәеит "Аԥсны агәыҳалалра ацҳаражәҳәаҩцәа" ашьаҭаркыҩцәа иреиуоу Инал Арӡынбеи иареи.
"Нурмагомедов Аԥсны аҿар ирзеиӷьеишьоит абзиарақәа, аспорт аҿы еиҵагыло – ақәҿиарақәа",- ҳәа азгәеиҭеит Едгар Ӷәазаа.
Иара убас шәаԥхьар ҟалоит:
