АҞӘА, нанҳәа 4 - Sputnik. Акоронавирустә инфекциахь аиммунитет алаҟәра иалагоит фба-ааба мзы рышьҭахь ҳәа аанацҳауеит URA.ru аллерголог-иммунолог Владимир Болибок иажәақәа шьаҭас иҟаҵаны.
"Акоронавирустә инфекциа – ари ОРВИ ахьакәу азы аиммунитет фба-ааба мзы рҟынӡа инанагоит. Анаҩс илаҟәуа иалагоит. Ауаагьы еиҭачмазаҩхоит", - ҳәа иҳәоит аҳақьым.
Иара иажәақәа рыла, аҩынтә раан ауаҩы ачымазара аҟазшьақәа имбаӡаргьы ауеит.
Уаанӡа арадио Sputnik аефир аҿы аҳақьым-гепатолог, агастроентеролог, COVID-19 амбулатортә центр аҳақьым Аелита Шьакаиаԥҳа еиҭалҳәеит аковидшьҭахьтә синдром шыҟало.
Лара далацәажәеит COVID-19 зхьыз ауаа ареабилитациа шырзутәу.
