02:06 28 Цәыббра 2021
Ишиашоу ицо аефир
  • USD72.66
  • EUR85.04
Адунеи аҿы
Икьаҿу ахьарԥш аиура
20 0 0

Аҟазауаа ргәаанагарала ари ахәҭаны иҟоуп ашықәс нҵәаанӡа адунеи зегьы аҿы ауаа иазхаша алаҵа рзыҟаҵаразы.

АҞӘА, нанҳәа 5 - Sputnik. Агәабзиарахьчараз адунеизегьтә еиҿкаара аҳәамҭа ҟанаҵеит цәыббрамза нҵәаанӡа аиҭалаҵаҟаҵара амаратори ақәҵазарц. Абри атәы аҩуеит РИА Новости ВОЗ адиректор хада Тедрос Адхан Гебреиесус иажәақәа шьаҭас иганы.

"Ааԥхьара раҳҭоит зажәа ԥхылнадо аолимпиатә атлетцәа, аинвесторцәа, абизнес-ԥхьагылацәа, адин-ԥхьагылацәа, иара ус ауаа ҳажәа адгылара арҭарц, цәыббрамза нҵәаанӡа аиҭалаҵаҟаҵара мап ацәкра иадгыларц", - иҳәеит иара.

Аиҿкаара ахәшьарақәа рыла COVID-19 аҟынтә алаҵа аиуразы адунеи аҿы аиҟарамра ыҟоуп. Еиҳа ишьҭахо атәылақәа рҿы алаҵа зауыз ауаа еиҳа имаҷуп ибеиоу атәылақәа рҿы аасҭа.

Иахьазы Урыстәыла ахархәара рымоуп алаҵақәа: "Спутник V", "ЭпиВакКорона", "КовиВак". Аиҭалаҵаҟаҵара мҩаԥыргоит "Спутник Лайт" ала.

Аҳәаанырцә рхы иадырхәоит: Pfizer, BioNTech (иаԥҵоуп Германиеи ЕААи), AstraZeneca (Британиа дуи Швециеи), Moderna (ЕАА), BBIBP-CorV, Sinopharm, CoronaVac (Китаи).

Ихадоу атемақәа