ГАГРА, жьҭ 30 — Спутник Аԥсны. Иахьазы иҟоу аинформациала, гагра араион аҟнытә аполитикатә репрессиақәа ирылаӡыз ауааԥсыра рхыԥхьаӡара 144-ҩык ыҟоуп. Абааҭатәи абахҭаҿы харада ахара рыдҵаны ишьыз рыхьӡ анаунагӡатәразы иаԥҵоу акомиссиа алахәцәа ааигәа араҟа амузеи аргылара азԥхьагәарҭеит. Акомиссиа лассы-лассы имҩаԥнагоит амарафонқәа. Амузеи аргыларазы рхарџь аларҵар рылшоит агәаҳәара змоу зегьы.
Аполитикатә репрессиақәа ирылагеит 1917 шықәсазы, октиабртәи ареволиуциа ашьҭахь. 1918 шықәса иалагӡаны ишьын х-нызқьҩык ауахәама аусзуҩцәа. 1920-тәи ашықәсқәа рынҵәамҭеи 1930-тәи ашықәсқәа ралагамҭеи рзы ахара рыдҵаны ишьын хышә-нызқьҩык анхацәа. усҟантәи аамҭазы аполитикатә репрессиақәа ирықәшәеит 45% арратә командаҟаҵаҩцәа. Аџьынџьтәылатә еибашьра ду ашьҭахь ирӡын арратә ҭҟәаҩцәа.
Иааидкыланы, 1921 шықәса инаркны 1953 шықәсанӡа аполитикатә репрессиақәа ирықәшәеит ԥшь-миллионҩык ирнареиҳаны ауааԥсыра, урҭ рахьтә аашә-нызқьҩык ҭархан. Есышықәса жьҭаара 30 рзы атәылақәа жәпакы рҿы агәалашәаратә уснагӡатәқәа мҩаԥысуеит. Аха иахьа уажәраанӡагьы ҳтәылаҟны арепрессиақәа ирылаӡыз ауааԥсыра рхыԥхьаӡара инҭкааҵәҟьаны ишьақәыргылам.
Гагра араион ауааԥсыра агәыӷра рымоуп хара имгакәа Абааҭа ахыбреи уи акәша мыкәшеи аҭоурыхтә баҟа аҭеҭԥш аанахәап ҳәа.
Аполитикатә репрессиақәа ирылаӡыз ргәалашәара амш азгәарҭеит Гагра
17:44 30.10.2014 (ирҿыцуп: 17:22 06.11.2014)
Анапаҵаҩра
Жьҭаара 30 - аполитикатә репрессиақәа ирылаӡыз ргәалшәара иамшуп. Ари аҽны аполитикатә баандаҩцәа ахьҭаршьыз Гагратәи Абааҭатәи абахҭа амҵан ашәҭ шьыҵәрақәа шьҭарҵеит, ацәашьқәагьы адыркит зыуацәа арепрессиақәа ирықәшәаз Гагра араион ауааԥсыра, иара убас уи анапхгареи, адепутатцәеи, акультура аҟәша аусзуҩцәеи.
