Ҷлоу ақыҭан амҩақәа реиҭашьақәыргыларазы аусқәа хацыркын

© Sputnik / Алексей Мальгавко / Амедиаҵәахырҭахь аиасраҶлоу ақыҭан амҩақәа реиҭашьақәыргылараз аусқәа хацыркын
Ҷлоу ақыҭан амҩақәа реиҭашьақәыргылараз аусқәа хацыркын - Sputnik Аҧсны
Анапаҵаҩра
Очамчыра араион ақыҭа Ҷлоу аҳаблақәа руак аҿы амҩа аиҭашьақәыргыларазы аусурақәа хацыркын.

ОЧАМЧЫРА, ԥхҷ 10 — Sputnik, Алиас Корсаиа. Мчыбжьык аԥхьа Очамчыра араион ақыҭа Ҷлоу аҳаблақәа руак аҿы амҩа аиҭашьақәыргыларазы аусурақәа хацыркын. Ари аамҭа иалагӡаны амҩа рыцқьан, ирҭбаан, еиҟаратәын, аҭаҟәаҭаҿарақәа ахаҳә рҭаԥсан. Уажәазы аусурақәа ахыркәшарахь инеиуеит. Напы аркуп амҩа аҵыхәтәантәи аҿыгҳара злашьақәгылоу ахаҳә ақәԥсара. Иазгәаҭатәуп, аҵыхәтәантәи ҩажәи хәба шықәса рыҩнуҵҟа ари аҳаблаҿы инхо ауааԥсыра амҩа шрымамыз.

Араҟа ибжьоу автобус заҵә акәзар, амҩа аҭагылазаашьа иахҟьаны лассы-лассы ибжьысуеит. Убри аҟынтә ақыҭа ауааԥсыра ауадаҩрақәа рхыргон ақалақь ахь ааразы, мамзаргьы ахәыҷқәа ашкол ахь рышьҭразы. Жәа-километрак аура змоу амҩа ахәҭак ақыҭақәа Ҷлоуи Ӷәадеи еиманадоит. Уажәшьҭарнахыс араҟа алшара ҟалоит еигәылоу ақыҭақәа руааԥсыра амҩа ҿыц ала реиҭанеиааиразы.

Аҵыхәтәантәи ашықәсқәа рыҩнуҵаҟа Ҷлоу ауааԥсыра Очамчыра араион ахадарахь изныкымкәа аҳәара ҟарҵахьан амҩа аиҭашьақәыргылара азҵаара иадгыларц азы. Сынтәа, ашықәс анҵәамҭазы, араион ахадара ареспубликатә амҩатә фонд иаҵанакуа Очамчыра араион амҩа акапиталтә ргыларазы аусбарҭа адҵа арҭеит ари аусура хацнаркырц азы. Уи аиҳабы Геннади Џьаӷмазиа иажәақәа рыла раԥхьа араҟа аныҟәара ацәыцәгьан аусурақәа ирыдгалаз иҷыдоу атехникагьы. Аха уажәшьҭа инхаз амаҷ ауп, амшқәа шыбзиоу ианца, мчыбжьык иалагӡаны иаанхаз аусурақәагьы хыркәшахоит. Араҟа иазгәаҭатәуп, ақыҭа ауааԥсыра ргәырӷьара ҳәаак шамам. Дара ражәақәа рыла уажәшьҭа алшара ҟалеит аҳаблаҿы еиԥҟьарада автобус бжьаларц азы.

Иҳәатәуп, ҳазҭало 2015 шықәсазы Очамчыра араион анапхгара зынагӡара азԥхьагәарҭаз аусурақәа ишреиуоу ақыҭамҩақәа реиҭашьақәыргылареи ркапиталтә ремонти. Иааидкыланы аплан аҿы иарбоуп ҩынҩажәи жәба рҟынӡа ақыҭатәи аҳаблатәи амҩақәа.

Ажәабжьқәа зегьы
0