Урыстәыла иаднакылаз "Аҵиаақәа ркарантин азы" азакәан Аԥсны иаԥырхагам

© Sputnik / Алексей Майшев / Амедиаҵәахырҭахь аиасраПограничный переход "Псоу" между Россией и Республика Абхазия. Архивное фото.
Пограничный переход Псоу между Россией и Республика Абхазия. Архивное фото. - Sputnik Аҧсны
Анапаҵаҩра
Аԥсны Ахәаахәҭра-аагалыхратә палата аиҳабы Геннади Гагәылиа иажәақәа рыла, Урыстәыла иаднакылаз азакәан егьырҭ аҳәынҭқаррақәа рҿагылара иазынархам.

АҞӘА, ажь 10 – Sputnik, Наала Аҩӡԥҳа. Геннади Гагәылиа иазгәеиҭеит, жьҭаара акы 2015 шықәса инаркны  аусура иалагаз азакәан шьаҭас ишамоу  аҵиаақәа Урыстәыла аҳәаа рахыгара аԥҟарақәа рырӷәӷәара.

"Аԥҟарақәа рырӷәӷәара Аԥсны иазынархам, уи Урыстәыла аимпорт зегьы иадҳәалоуп. Аҳәынҭқаррақәа зегьы рхатәы ԥҟарақәа рымоуп. Урҭ аԥҟарақәа зегьы ирзеиԥшуп. Урыстәыла аус ацааур ҳҭахызар, урҭ аԥҟарақәа ҳрықәныҟәар ауп", — иҳәеит Гагәылиа.

Амчра зауз азакәан ала асертификат рыцымкәа Урыстәылаҟа иугар ауеит хә-кьылак иреиҳамкәа аарыхратә аалыҵ.

Генади Гагәылиа агәра ганы дыҟоуп аарыхратә аалыҵ аиагаразы азакәан ҿыц ауаа рзы ауадаҩрақәа рацәаны ишаԥнаҵо.

"Хә-кьылак иреиҳау аарыхратә аалыҵ азы асертификат аҟаҵара ауадаҩрақәа цәырнагоит. Ҩынҩажәи хәба тонна иреиҳаны амандарин, жәа-тоннак ахәырма, хә-нызқь тонна афеихоа, араса – абарҭ зегьы акарантин иахыгалатәуп", — азгәеиҭеит Гагәылиа.

Аԥсны ақыҭанхамҩа аминистр Рафик Оҭырба, Генади Гагәылиа игәаанагара ицеиҩишоит. Уи излаиҳәо ала, аԥҟара ҿыцқәа хырҳара рылоуп аҵиаақәа рчымазара аԥырҟәҟәааразы, аха уи азы аусмҩаԥгатәқәа ишахәҭоу инагӡатәуп.

Акарантин азы аҳәынҭқарратә инспекциаҿы излаарыцҳаз ала, изыхәҭоу Аԥсны аусбарҭақәа аԥҟара ҿыцқәа ирызхиоуп.

"Псоу аушьҭратә пунктқәа хԥа ыҟоуп – аидаратә, амашьынатә, ашьаҟамҩатә хысырҭақәа. Асанитартә сертификатқәа кьыԥхьуп. Акарантин иахысраны иҟоу аалыҵ зегьы асертификациа азаауеит", — иҳәеит аҵиаақәа рзы акарантин Аҳәынҭинспекциа аиҳабы Альберт Агрба.

Ажәабжьқәа зегьы
0