АҞӘА, ажь 19 – Sputnik, Амина Лазба. Қырҭтәыла Берлин имҩаԥысуа ацәыргақәҵаҟны Аԥсны алахәхара иаԥырхаган, аха урҭ аҽазышәарақәа лҵшәадан, Аԥсны иацнаҵоит ацәыргақәҵа алахәхара, ҳәа аалыцҳауеит Sputnik акорреспондент.
Ацәыргақәҵа иалахәу 80 тәыла рхыԥхьаӡараҿы иҟоуп Қырҭтәылагьы. Ааигәа Аԥсны аделегациа Берлин имҩаԥысуа ацәыргақәҵа "Амчыбжь иаҵәа" ахаҭарнакцәа рыдгылан, аҳәара ҟарҵеит ихьыԥшым аҳәынҭқарра ҳәа иахьану раалыҵ ықәырхырц. Иара убас Аԥсны Аџьынџьтәылатә еибашьра атәы ахьаҳәо ашәҟәқәа алырхырц.
Ацәыргақәҵа алагаанӡагьы Қырҭтәылатәи ацҳаражәҳәарҭа Германиа Адәныҟатәи Аусқәа Рминситррахь рхы рханы Аԥсны алахәра рымурц азы ажәалагала ҟарҵахьан. Имҩаԥгаз аилацәажәарақәа рышьҭахь абас еиԥш аӡбара иазааит: Аԥсны онлаин-каталог аҟнытә иалхзарц, аха фактла ацәыргақәҵа иалахәуп.
Амҽыша ацәыргақәҵаҟны Аԥсны акәакь иаҭааит адипломатцәа Дитер Бодени Маурициа Дженкинси.
Жәларбжьаратәи ацәыргақәҵа "Амчыбжь иаҵәа" аҟны сынтәа раԥхьаӡа акәны Аԥсны ахы аланархәит.
