АҞӘА, жьҭ 23 – Sputnik. Урыстәылатәи Аҳәынҭқарратә Дума Аԥсныи Урыстәылеи реиқәшаҳаҭра аратификациа азыруит, абри атәы аанацҳауеит РИА Новости.
Урыстәылатәи Афедерациа ахада Владимир Путини Аԥсны Аҳәынҭқарра ахада Рауль Ҳаџьымбеи абҵара 24 аҩ-тәылак реиҩызареи рыстратегиатә еилахәылареи рзы аиқәшаҳаҭра рнапы аҵарҩит. Ари адокумент изԥхьагәанаҭоит ахыхьчареи ашәарҭадареи рзеиԥштә еиужьра ашьақәыргылараҿы ҩ-ҳәынҭқаррак рымчқәа аизакра. Иара убас Аԥсны асоциалтә стандартқәа реизырҳара иацхыраауеит.
Аԥсны апарламент ԥхынҷкәын 2014 шықәсазы аиқәышаҳаҭра аратификациа азнауит.
"Аиқәышаҳаҭра ҩ-ҳәынҭқаррак русеицуреи реилахәылареи рзы шьаҭас иҟазаауеит. Аԥсныи Урыстәылеи русеицуразы ҭоурыхтә хҭысуп", – иҳәеит Слуцки.
Иара убас Слуцки иациҵеит Аԥсныи Урыстәылеи рыбжьара аиқәшаҳаҭрақәа 80 цыра иреиҳаны ишыбжьаҵоу, урҭ аиқәшаҳаҭрақәа асферақәа зегьы ирхьысуеит.
