АҞӘА, ажь 26 — Sputnik. Ашәахьаҽны иреиҳаӡоу Ниу-Иорктәи аеропортқха хԥа рҟны ареисқәа аашәы инареиҳаны иаанкылан Америка мраглара аганахьала иазааигәахо ас урҭ иахҟьаны, иааидкыланы иаԥыхыз ареисқәа рхыԥхьаӡара 4 360 рҟынӡа инаӡоит. Абри атәы аанацҳауеит РИА Новости.
Амш ҷыдала аҽарӷьеҩуеит ҳәа аҳауагәаҭаҩцәа азыԥшуп ашәахьа ауха аҭыԥантәи аамҭала.
Аҩны шкәакәа аофициалтә хаҭарнак Џьош Ернест излааицҳаз ала, Еиду Америкатә Штатқәа рхада Барак Обама, уажәазы Индиа иаҭааны иҟоу, асы алеира азы аинформациа иҭан. Америкатәи ахада иусбарҭа ахаҭарнакцәа аҭыԥантәи амчрақәа ирымадоуп, аҭагылазаашьа ҷыда шьақәгылозар изыхәҭоу аусмҩаԥгатәқәа рынагӡаразы.
Апассаџьырцәадасу равиакомпаниақәа ирыдҵаалар рылшоит, аҵыхәтәантәи аҭагылазаашьа зеиԥшроу аилкааразы, мамзаргьы рреис шыԥсахтәу, ма зынӡа аԥырра мап шацәктәу азы аинформациа роурц.
