СУХУМ, 28 янв – Sputnik. Урыстәылатәи апарламент хыхьтәи апалата иахьа аратификациа азнауит Аԥсны Аҳәынҭқарреи Урыстәыла Афедерациеи рыбжьара аусеицураеи астратегиатә еиҩызареи рзы аиқәшаҳаҭра, абри атәы аанацҳауеит РИА Новости.
Урыстәылатәи Афедерациа ахада Владимир Путини Аԥсны Аҳәынҭқарра ахада Рауль Ҳаџьымбеи абҵара 24 рзы аҩ-тәылак реиҩызареи рыстратегиатә еиҩызареи рзы аиқәшаҳаҭра рнапы аҵарҩит. Ари адокумент изԥхьагәанаҭоит ахыхьчареи ашәарҭадареи рзеиԥштә еиужьра ашьақәыргылараҿы ҩ-ҳәынҭқаррак рымчқәа реизакра. Иара убас Аԥсны асоциалтә стандартқәа реизырҳара иацхраауеит.
Аԥсны Аҳәынҭқарреи Урыстәылатәи Афедерациеи рыбжьара аусеицураеи астратегиатә еиҩызареи рзы аиқәшаҳаҭра Жәлар реизара аратификациа азнауит ԥхынҷкәын анҵәамҭазы.
Аԥсныи Урыстәылеи рыбжьара аиқәшаҳаҭрақәа 80 иреиҳаны ирыбжьаҵоуп, урҭ аиқәшаҳаҭрақәа ахырхарҭақәа шамахамзар зегьы ирхьысуеит.
