АҞӘА, ԥер 4 – Sputnik. Жәеизаҩык ауааԥсыра ҭахеит, хәҩык ахәрақәа роуит Белгород амикроавтобус Mercedesи аидарамҩангага машьына ду КамАЗи рааихара иахҟьаны. Абри атәы аанацҳауеит РИА Новости аҩнуҵатәи аусқәа русбарҭа аҟынтә ироуз адыррала.
Ахыҵхырҭа ишаанацҳауа ала, амҩатә машәыр ҟалеит амҩаду Р-185 13-тәи акилометр аҟны.
Иҟоу адыррақәа рыла, Mercedes иақәтәаз апассаџьырцәа Урыстәылантәи Луганскҟа ицон, иҭахаз зегьы Украина атәылауаа роуп.
КамАЗ арныҟәцаҩ ахәшәтәырҭахь дыргеит. Амҩатә мшәыр иахҟьаны аахақәа зоуз ақалақь Алексеевка ахәшәтәырҭа ишьҭарҵеит.
Амҩатә машәыр зыхҟьаз амзызқәа аҭҵаара аусқәа мҩаԥысуеит.
