Апрокуратура хада: аӡбарҭа Занҭариеи Сысаки рус аилыргара иаҿагылоит

© Sputnik Томас ТхайцукАпрокуратура хада
Апрокуратура хада - Sputnik Аҧсны
Анапаҵаҩра
НовостиTelegram
Апрокуратура хада ишаԥхьаӡо ала, Аҟәа ақалақьтә усӡбарҭа аӡбаҩ Рустам Чагәаа Занҭариеи Сыскаки рдукатцәа Апрокуратура ихацнаркыз аусҭҵаара закәантәым ҳәа иҟарҵаз рышшаԥхьыӡ ахәаԥшраан инапынҵақәа дырхысит.

АҞӘА, жәб 12 – Бадраҟ Аҩӡба. Резо Занҭариеи Лиудмила Сыскаки рдукатцәа Апрокуратура хада ихацнаркыз аусҭҵаара закәантәым ҳәа иҟарҵаз рышшаԥхьыӡ аусӡбарҭа ахьақәшаҳаҭхаз аусҭҵаара аԥырхагахара иазынархоуп. Абри атәы аанацҳауеит Апрокуратура хада апресс-маҵзура.

"Апрокуратура хадаҟны ргәы иаанагоит Аҟәатәи аусӡбарҭа иаднакылаз аӡбара машәырны иҟамлеит ҳәа, избанзар аусҭҵааҩ инапынҵала Урыстәыла имҩаԥысуеит Аҳәынҭқарратә компаниа "Амшынеиқәафымцамч" аус зыцнауаз акомпаниақәа рдокументқәа ргәаҭара", — аанацҳауеит Апрокуратура хада.

Аӡбара Занҭариа иганахьала ихацыркыз ашьаус закәантәым ҳәа иаԥхьаӡеит - Sputnik Аҧсны
Аӡбарҭа Занҭариа иганахьала ихацыркыз ашьаус закәантәым ҳәа иаԥхьаӡеит

Уи адагьы Апрокуратура хада иаԥхьаӡоит аусӡбаҩ Рустам Чагәаа имаҵуратә напынҵақәа дырхысит ҳәа, избанзар адукатцәа рышшаԥхьыӡқәа реилыргараан ихы иаҭәеишьеит аусҭҵаара иалахәу ауааи аматериалқәеи ахәшьара риҭара.

Апрокуратура хада ԥхынҷкәын 18, 2014 шықәсазы ихацнаркит ашьаусқәа ҩба Резо Занҭариа иганахь ала  "ашәахтәқәа ршәара мап ацәкреи" "анапынҵақәа рахысреи". "Амшынеиқәафымцамч" аҳасабеилыргаҩ хада Лиудмила Сысак лганахь ала ихацыркын ашьаус "ашәахтәқәа ршәара мап ацәкра" астатиа ала.

Ажәабжьқәа зегьы
0