Аԥснытәи аҳәынҭқарратә университет 36 шықәса ахыҵит

Анапаҵаҩра
НовостиTelegram
Жәабран 13 1979 шықәсазы СССР аминистрцәа рхеилак А. Горки ихьӡ зху Аҟәатәи Аҳәынҭқарратә Арҵаҩратә институт Аԥснытәи аҳәынҭқарратә университет ахь ииаган.

АҞӘА, жәб 13 – Sputnik, Саид Барганџьиа. Жәабран 13 1979 шықәсазы СССР аминистрцәа рхеилак Аҟәатәи арҵаратә институт Аԥснытәи аҳәынҭқарратә университет ахь аиагара адҵа ҟарҵеит, ректорс аҵарауаҩ Зураб Анчабаӡе дҟаҵан, абри атә ААУ апроректор Виктор Маланӡиа Sputnik акорреспондент иаиҳәеит.

"Ари ахҭыс даараӡа ҳаргәырӷьеит. Афакультет ҿыцқәа аатуа иалагеит. Ауниверситет аатра – аҭҵаарахь, апрофессиа ҿыцқәа рахь иҿыцу мҩоуп. Сара сгәаанагарала уи ауниверситет иадыз зегь ҟанаҵеит, Аԥсны жәлар аинтелектуалтә потенциал еиҿнакааит", – игәалашәарқәа ҳацеиҩишеит ААУ ажурналистика акафедра аиҳабы Гәырам Амқәаб.

1979 шықәса, жәабран 13 рзы ишьақәгылаз СССР аминистрцәа реилазаара рыдҵа, иазгәеиҭеит апроректор, иагәылан апункт, уи ала ауниверситет арҵаратә хырхарҭа ахьчалар акәын, уи даара аҭҵааратә спектр аиҵыҵра иаԥырхагахон.

"Аҭагылазаашьа цәгьа ҳашҭагылазгьы азанааҭ ҿыцқәа раартра ҳалшеит, даара акраҵанакуеит 10 шықәса ирҭагӡаны ауниверситет аҭҵааратә потенциал иахьацлаз", – иазгәеиҭеит Маланӡиа.

Маланӡиа иажәақәа рыла, арҵаратә институт ауниверситет ахь аиагара Аԥсны жәлар ахақәиҭра аҭоурых ишиашоу иадҳәалоуп, избан акәзар атәылақәа зегь рыҟнеиԥш аҳәынҭқарра аиҿкаараҟны ихадоу иашьагәыҭуп.

Ажәабжьқәа зегьы
0