АҞӘА, жәб 25 – Sputnik. Аԥсны ихьыԥшым ҳәынҭқаррак аҳасабала адунеитә еилазаараҟны русқәа активла ирыцнаҵоит, уи изҭахым рус ҟьашьқәа хьаас имкыкәа, абри атәы Аԥсны Адәныҟатәи Аусқәа Рминистрра аҳәамҭаҟны иаагоуп.
"Аԥсны Аҳәынҭқарра Адәныҟатәи Аусқәа Рминистрра иҟалаз ахҭыс Қырҭтәылатәи аган Ахәаахәҭра аагалыхратә палата жәларбжьаратәи ацәыргақәҵаҟны алахәхра аҵакы ацәдырӡуеит ҳәа иахәаԥшуеит, иара убас ацәыргақәҵаҟны ралахәхара акоммерциатә ҟазшьа аҭара хықәкыс ирыман ҳәа иаԥхьаӡоит" – абри атәы аҳәынҭқарратә усбарҭа аҳәамҭаҟны иаагоуп.
Иара убас Аԥсны Адәныҟатәи аусқәа рминистрраҟны иазгәарҭеит Қырҭтәыла иҟанаҵо аҳәаа анҭыҵ Аԥсны ахаҭарнакцәа рықәыӷәӷәара ақәыӡбара шаҭаху атәы.
Белград Жәларбжьаратәи 37-тәи атуристтә цәыргақәҵа Sajam Fair Аԥсны Ахәаахәҭра-аагалыхратә палата Аԥсны аҳәынҭқарратә бираҟ рымхын.
