Гәырам Допуа Атранспорти аимадареи рзы аминистр ихаҭыԥуаҩыс дҟаҵоуп

© Sputnik / Томас ТхайцукАԥсны Аминистрцәа Реилазаара ахыбра
Аԥсны Аминистрцәа Реилазаара ахыбра - Sputnik Аҧсны
Анапаҵаҩра
НовостиTelegram
Аԥсны Аминистрцәа Реилазаара алахәцәа еицҿакны рыбжьыҭарала Гәырам Допуа Аенергетикеи, атранспорти, аимадареи рзы аминистр ихаҭыԥуаҩыс дҟаҵоуп.

АҞӘА, жәб 26 – Sputnik. Гәырам Допуа Аԥсны Аенергетикеи, атранспорти, аимадареи рзы аминистр ихаҭыԥуаҩыс далырхит, ҳәа Sputnik акорреспондент иааицҳауеит Аминистрцәа Реилазаара аилатәараҟынтә.

"Аибашьра ҟалаанӡагьы Гәырам Допуа атранспорт аминистрс дыҟан. Ари ахырхарҭаҿы аус рацәаны иухьеит, аԥышәа ду имоуп", – иҳәеит аенергетикеи, атранспорти, аимадареи рминистр Виктор Хильчевски.

Аԥсны аԥыза-министр Беслан Быҭәба иажәақәа рыла, Допуа иааира ашьҭахь аминистрра аусура акырӡа еиӷьхоит.

"Гәахәара дула ари ауаҩ сихцәажәар сылшоит, профессионал дук иаҳасабала", – азгәеиҭеит аԥыза-министр.

Гәырам Допуа диит 1954 шықәсазы, 1977 шықәсазы далгеит аграждантә авиациа аинженериа азы Киевтәи аҳәынҭқарратә институт далгеит. 1998-2000 шықәсақәа рзы Лондонтәи иаарту ауниверситет аҟны аҵара иҵон. 2008 шықәса инаркны Шәача аолимпиатә обиектқәа рыргыларазы аусбарҭабжьаратә комиссиа далан. 1995 шықәсазы Аԥсны раԥхьатәи ахада Владислав Арӡынба иқәҵарала, Леон иорден ианашьан.
© Sputnik Саид Барганджия Гурам Допуа
Гурам Допуа - Sputnik Аҧсны
Гурам Допуа
Ажәабжьқәа зегьы
0