АҞӘА, жәб 26 – Sputnik. Гәырам Допуа Аԥсны Аенергетикеи, атранспорти, аимадареи рзы аминистр ихаҭыԥуаҩыс далырхит, ҳәа Sputnik акорреспондент иааицҳауеит Аминистрцәа Реилазаара аилатәараҟынтә.
"Аибашьра ҟалаанӡагьы Гәырам Допуа атранспорт аминистрс дыҟан. Ари ахырхарҭаҿы аус рацәаны иухьеит, аԥышәа ду имоуп", – иҳәеит аенергетикеи, атранспорти, аимадареи рминистр Виктор Хильчевски.
Аԥсны аԥыза-министр Беслан Быҭәба иажәақәа рыла, Допуа иааира ашьҭахь аминистрра аусура акырӡа еиӷьхоит.
"Гәахәара дула ари ауаҩ сихцәажәар сылшоит, профессионал дук иаҳасабала", – азгәеиҭеит аԥыза-министр.
Гурам Допуа
© Sputnik Саид Барганджия
