МЫСРА, ГӘДОУҬА АРАИОН, хәжәк 1 — Sputnik, Роберт Џьопуа. Донецк аконфликттә зона иалҵны иааз ахәыҷқәа рыҧсы ршьаруп, рымчқәа еиздырҳаруп, иҳәеит Аҧсны ахада Рауль Ҳаџьымба Мысра аԥсшьарҭа ҩны аҟны ахәыҷқәа иареи реиҧылараан.
"Ахәыҷқәа Аҧсны рыҧсшьара урҭ рреабилитациа иацхраап ҳәа сгәыӷуеит. Ҳаргьы аибашьра ҳахысхьеит, изакәу ҳдыруеит. Шәҳәынҭқарра аҭынчра азыҟалааит" — иҳәеит Ҳаџьымба.
Аҳәынҭқарра ахада ахәыҷқәа рахь инапы ҭацәны дымнеиӡеит, ашәырқәеи, ахаа-мыхаақәеи рызнеигеит. Аҳәынҭқарра ахада ахәыҷқәа ахьаангыло апансионат аҟны аҭагылазаашьа зеиԥшроу гәеиҭеит.
Донецк аҟынтә ахәыҷқәа раара Аҧсны Аҭагылазаашьа ҷыдақәа рзы аминистрра амчала еиҿкаан. Лев Кәыҵниа ихаҭа Укрина алада-мрагылараҟа дцаны ахәыҷқәа ааигеит. Урҭ Аҧсны хы-мчыбжь инареиҳаны иҟазаауеит, атәыла аҭыԥ ԥшӡарҭақәа ддырбоит.
