Донецкнтәи ахәыҷқәа Афон ҿыц аҭыԥ ԥшӡақәа ирҭааит

© Sputnik Илона ХварцкияДети ДНР в Новом Афоне
Дети ДНР в Новом Афоне - Sputnik Аҧсны
Анапаҵаҩра
НовостиTelegram
Донецк Амвросиевтәи ашкол-интернат ажәбатәи акласс аҵаҩы Игорь Кукоар иажәақәа рыла Аҧсны ирхырго амшқәа зегьы ссируп.

АҞӘА, хәжәк 8 — Sputnik. Роберт Џьопуа. Донецкынтәи ахәыҷқәа Аҧсны аҭҵаара иацырҵеит, Афон ҿыц иаҭааит, уаҟа аҭыҧантәи асувенирқәа зҭиуа ахәыҷқәа Аҧсны ргәалазыршәлаша аҳамҭа хәыҷқәа рырҭеит, абри атәы Sputnik акорреспондент аҭыҧантәи иааицҳаит.

"Ҳара аибашьра закәу ҳдыруеит, еилаҳкаауеит Донбасс зҭагыло агәаҟрақәа. Уи бзиоуп ахәыҷқәа ҧсшьара ҳәа Аҧсныҟа иахьааргаз, аибашьра рхадыршҭып. Ахәыҷқәа ираҳҭаз аҳамҭақәа ҳара ҳганахь ала иҳалшз ауп", — лҳәеит асувенрқәа рыҭиҩы Лаура Циментиа.

Донецк Амвросиевск ашкол-интернат ажәбатәи акласс аҵаҩы Игорь Кукоар ижәақәа рыла Аҧсны ирхырго амшқәа зегьы цәанырра ҧхала иҭәуп. Аҧсны аблахкыгарҭақәа рыдагьы атәылауаа шигәаҧхаз атәы иҳәеит.

"Иахьа Аҧсны ҽа қалақьк ҳаҭааны ҳаҟоуп, Афон аблхкыгарҭақәа ҳбеит. Ахацәа руахәамаҟны ҳаҟан, аӡхыҽҽа ҳбеит. Афонҿыцтәи аҳаҧы ҳаҭаар ҳҭахуп. Ҷыдала иҭабуп ҳәа расҳәоит аҳамҭақәа ҳазҭаз ауаа қьиақәа", — иҳәеит Кукоар.

Донецктәи ахәыҷқәа Гагра иаҭааит

Амвросиевсктәи ашкол-интернат ааӡаҩ Светлана Фисенко Аҧсны аҟазаара апрограмма даара ишыҭбаау, аинтерес шамоу атәы азгәалҭеит.

"Ахәыҷқәа рыҧсадгьыл гәхьааргеит, аха ус шакугьы макьана Аҧсны ааныжьра рҭахӡам. Донбасс Макьана шҭынчрам еилыркаауеит'' — лҳәеит ааӡаҩ.

ДНР ашкол-интернат 23-ҩык ахәыҷқәеи хә-ҩык ааӡаҩцәеи рреабилитациа Аҧсны ахадара рыцырхырааны Аҭагылазаашьа ҷыдақәа рзы аминистрра иҿнакааит. Аминистр Лев Кәыҵниа Украина ихаҭа дцаны ахәыҷқәа ааигеит. Мчыбжьык иҭагӡаны ахәыҷәеи ааӡаҩцәеи аҳәынҭқарра еиуиҧшым аблахкыгарҭақәа ирҭаахьеит. Аҟәа аботаникатә баҳча иҟан, амаамынқәа рпитомник, амшын аҧшаҳәа уҳәа. Иара убас Аҧсны асасцәа хыҷәа Гагреи Пицундеи ирҭан, уаҟа дара рзы еиуеиҧшым аекскурсиатәи акультуратәи программақәа рзеиҿкаан.

Донецктәи ахәыҷқәа Аҧсны ҽа ҩымчыбжь иҟазаауеит.

© Sputnik Илона ХварцкияДети из ДНР в Новом Афоне
Дети из ДНР в Новом Афоне - Sputnik Аҧсны
Дети из ДНР в Новом Афоне
Ажәабжьқәа зегьы
0