Ҳаџьымба: аконституциатә реформақәа рынагӡаразы аусура мҩаԥысуеит

© Sputnik Илона ХварцкияҲаџьымба: аконституциатә реформақәа рынагӡаразы аусура мҩаԥысуеит
Ҳаџьымба: аконституциатә реформақәа рынагӡаразы аусура мҩаԥысуеит - Sputnik Аҧсны
Анапаҵаҩра
НовостиTelegram
Ахада иажәақәа рыла, алхрақәа раԥхьеи урҭ рышьҭахьи иареи иара идгылаҩцәеи рхахьы иргаз ахыдҵақәа зегьы нагӡахоит.

АҞӘА, хәжәк 11 – Sputnik, Наала Аҩӡԥҳа. Аконституциатә реформақәа рымҩаԥгаразы аусуратә гәыԥ х-хырхарҭак рыла аус ауеит, иҳәеит аҳәынҭқарра ахада Рауль Ҳаџьымба иахьа имҩаԥысуа апресс-конференциаҿы.

Аҳәынҭқарра ахада иажәақәа рыла, алхрақәа раԥхьеи урҭ рышьҭахьи иареи иара идгылаҩцәеи рхахьы иргаз ахыдҵақәа зегьы нагӡахоит. Иара убас уи иазгәеиҭеит аконституциатә реформақәа рымҩаԥгаразы еиуеиԥшым агәаанагарақәа шыҟоу.

Уажәазы аусура мҩаԥысуеит азакәанԥҵареи, анагӡаратә мчрақәеи рнапынҵақәа реиҭеихшаразы, иара убас Апарламент аусура аҳәаақәҵаразы.

"Зегь реиҳа сара сзы ихадароу ахԥатәи ахырхарҭоуп. Ареформақәа ҵаҟантә ирылагатәуп, аҭыԥантәи аубарҭақәа инадыркны", — иҳәеит ахада.

Ҳаџьымба иажәақәа рыла, Аконституциатә усӡбарҭа аԥҵара азҵааара макьана ихыркәшам. Уи азҵаарала Апарламент аҟны аусура мҩаԥысуеит.

Ажәабжьқәа зегьы
0