Виачеслав Чрыгбеи Сергеи Лаврови аилацәажәарақәа мҩаԥыргоит Москва

Анапаҵаҩра
НовостиTelegram
Хәажәкыра 10-12 рзы Аԥсны адәныҟатәи аусқәа рминистр Виачеслав Чрыгба усуратә визитла Урыстәыла даҭааны дыҟоуп.

АҞӘА, хәжәк 11 – Sputnik, Саид Барганџьиа. Аҭаара илагӡаны имҩаԥгахоит Виачеслав Чргыбеи Урыстәыла адәныҟатәи аусқәа рминистр Сергеи Лаврови реиԥылара  ҳәа Sputnik иазааицҳаит Аԥсны адәныҟатәи аусқәа рминистрра аполитикатә ҟәша аиҳабы Иракли Ҭыжәба.

Ҭыжәба иажәақәа рыла, аилацәажәарақәа рҟны ихадароу азҿлымҳара арҭоит иҟоу аиқәшаҳаҭрақәа рынагӡаразы амеханизмқәас иалкаатәу, насгьы адәныҟаполитикатә хырхарҭала аҩ-тәылак русеицура арӷәӷәара.

"Агәра ганы сыҟоуп, Аԥсны адәныҟатәи аусқәа рминистр иаҭаара конструктивтә шьаҭала ишымҩаԥысуа, ҳабжьара иҟоу аиқәшаҳаҭрақәа рырҿиара ишацхраауа", – ҳәа азгәеиҭеит Ҭыжәба.

Аԥсны адәныҟатәи аусқәа рминистрра аполитикатә ҟәша аиҳабы адырра ҟаиҵеит иара убас, аминистрцәа атәылақәа аинтерес ахьеицрымоу аусеицура азҵаарақәа ирылацәажәоит ҳәа. Уахь иаҵанакуеит ашәарҭадареи атәылахьчареи азҵаарақәа, асоциал-економикатә сфера, ахәаахәҭра, акультура, агуманитартә цхыраара уҳәа иҟоу аусеицура ахырхарҭақәа.

Адәныҟатәи аусқәа рминистрцәа ҩ-ганклатәи реилацәажәарақәа ишиашоу ицо аефир ала ицоит Урыстәылатәи Афедерациа Адәныҟатәи аусқәа рминистрра асаит аҿы.

Ажәабжьқәа зегьы
0