Аԥсны ахада еиҭеиҳәеит ашықәс азы иазгәаҭоу аекономикатә проектқәа

© Sputnik / Павел Лисицын / Амедиаҵәахырҭахь аиасраАԥсны ахада еиҭеиҳәеит ашықәс азы иазгәаҭоу аекономикатә проектқәа
Аԥсны ахада еиҭеиҳәеит ашықәс азы иазгәаҭоу аекономикатә проектқәа - Sputnik Аҧсны
Анапаҵаҩра
НовостиTelegram
Рауль Ҳаџьымба дрылацәажәеит 2015 шықәсазы инагӡахо аекономикатә проектқәа.

АҞӘА, хәжәк 11 – Sputnik, Наала Аҩӡԥҳа. Аԥсны аҳәынҭқарра ахада Рауль Ҳаџьымба имҩаԥигаз апресс-конференциаҿы дрылацәажәеит 2015 шықәсазы зынагӡара азгәаҭоу аекономикатә проектқәа.

Аҳәынҭқарра ахада иажәақәа рыла, ақыҭанхамҩа аарыхратә проектқәа аус рыдулара мҩаԥысуеит. Хара имгакәа Пицунда аусура иалагоит арԥхарҭатә нхамҩа, иҳәеит Ҳаџьымба.

Рауль Ҳаџьымба иазгәеиҭеит Урыстәылеи Ҭырқәтәылеи рганахь ала аинтерес шыҟоу араса аус адуларазы, иара убас аӡахратә фабрикақәа раартра шырҭаху.

"Абизнес аганахь ала аитерес ыҟоуп Аԥсны атекстильтә аагалыхра аартразы. Уаҟа аус зуа ҳауаажәлар ракәхоит. Сгәы иаанагоит абизнес азы уи аинтерес аҵоуп ҳәа, избанзар ҳара ҳҟны афымцалашара ахә акыр имаҷуп, насгьы аусуцәа руалафахәы егьырҭ атәылақәа раҵкыс еиҵоуп", — иҳәеит Ҳаџьымба.

Аҳаиртә баӷәаза иазкыз азҵаара аҭак ҟаҵо Рауль Ҳаџьымба иазгәеиҭеит уи азҵаара аӡбара ауадаҩрақәа маҷымкәа ишацу, аамҭагьы шаҭаху.

"Аҳаирбаӷәаза аиҭашьақәыргыларазы аинтерес ыҟоуп Урыстәылеи егьырҭ аҳәынҭқаррақәеи рҟынтә", — ациҵеит Ҳаџьымба.

Ахада иажәақәа рыла, аҳаирбаӷәаза аартра акыр ахарџь аҭахуп, урҭ аԥарақәа Аԥсны макьана иамам. Рауль Ҳаџьымба игәаанагарала, апроект анагӡаразы абизнес ацхыраара иҟоу аҭагылазаашьа аԥсахра алшоит.

Ажәабжьқәа зегьы
0