АҞӘА, хәжәк 19 — Sputnik. Қырҭтәыла излауала ҳҽацәаҳгоит ҳәа иаҿуп Аахыҵ Уаԥстәыла ақәымларазы аиқәшаҳаҭра анапаҵаҩра, иҳәеит Аахыҵ Уаԥстәыла ахада Леонид Тибилов. Абри атәы аанацҳауеит РИА Новости.
"Иахьазы Аахыҵ Уаԥстәылеи Қырҭтәылеи аизыҟазаашьа ҳәа акгьы рыбжьаӡам, аха уи ҳара ҳхарала акәӡам ус изыҟала", — иҳхәеит Тибилов ателеканал Россия 24 аефир аҟны.
Иара иазгәеиҭеит Аахыҵ Уаԥстәылеи Қырҭтәылеи реизыҟазаашьақәа Женеватәи аиҿцәажәарақәа рҟны ишрылацәажәо.
"Ҳара ажәалагала ҟаҳҵоит Аахыҵ Уаԥстәылеи Аԥсныи раганахьала амч ахамырхәаразы аиқәшаҳаҭра Қырҭтәыла иаднакылар шакәу", — иҳәеит Тибилов.
"Иахьа иаҳбоит Қырҭтәыла ари азҵаара иацәцарц ишаҿу, ас еиԥш иҟоу азҵаара атәылақәа руак ацәцозар, егьи атәыла агәҽанызаара аиуеит арратә операциақәа еиҭарылагар ҟалоит ҳәа — абас иҳәеит Аахыҵ Уаԥстәыла ахада, Урыстәылеи дареи ааигәа ирыбжьарҵаз аусеицуреи аилаҵәареи рзы аиқәшаҳаҭра ахҳәаа азыҟаҵо.
