АҞӘА, хәжәк — Sputnik, Саид Барганџьиа. Иахьазы Аԥсны иқәынхоит ԥшь-нызқьҩык инареиҳаны арепатриантцәа, урҭ рҟынтә ԥшьышәҩык Сириантәи иааз ҳашьцәа роуп, иҳәеит Аминистрцәа Реилазаара аилатәараҿы Арепатриациазы афонд аиҳабы Џьон Смыр.
Смыр иажәақәа рыла, Арепатриациазы афонд 2014 шықәсазы иаиуыз ахашәала хықәкылатәи алагалақәагы ацҵаны 136 миллион ҟанаҵеит.
"Хә-миллионк арепатриантцәа аматериалтә цхыраара рыҭаразы иалхны иҟан, иныхуп — ф-миллионк. Убри анҟытә ҳныхтәқәа еиҳахеит", — ҳәа азгәеиҭеит Смыр.
Џьон Смыр иазгәеиҭеит арепатриантцәа рныҟәгаразы 43 миллион мааҭ шныхыз. Иара убасгьы иациҵеит шә-ҭаацәарак инареиҳаны қьырала ауадақәа рзамырхуеит ҳәа.
