АҞӘА, мшԥ 4 – Sputnik. Индиа аҳауатә-арбџьартә мчқәа 334-ҩык атәылауаа Иемен иалганы Индиаҟа иргеит. Абри атәы аанацҳауеит РИА Новости Индиа арбџьармчқәа рминистр ипресс-маӡаныҟәгаҩ Ситнши Кар иажәақәа рыла.
Индиа адәныҟатәи аусқәа рминистрра иамоу адыррақәа рыла, уажәазы Иемен иҟазар ауеит ԥшь-нызқь инарзынаԥшу Индиа атәылауаа. Аҵыхәтәантәи ашықәс иалагӡаны, Индиа ԥшьынтәуп атәылауаа аидысларақәа ахьцо аҭыԥқәа рҟынтә иалнагоижьҭеи: уажә аԥхьа Украина, Ирак, Ливиа рҟынтә ауааԥсыа алган.
"115-ҩык ауааԥсыра зҭаз аҳаирплан C-17 Globemaster Дибути ақалақь аҟнытә иаауаз Мумбаи итәеит. Урҭ рхыԥхьаӡараҿы иҟоуп иара убас, арратә ӷба "Сумитра" ала иалыргазгьы ыҟоуп", — ҳәа аниҵеит Кар аинтернет аҟны.
Уи аԥхьаҟа Индиа адәныҟатәи аусқәа рминистрра аофициалтә хаҭарнак Саиед Акбаруддин иҳәеит аԥшьаша иалгаз 306-ҩык ауаа ԥырхага рмоукәа Джибути ақалақь аҟынӡа инаӡеит. Иеменынтә Индиаҟа ихынҳәхьеит 700-ҩык инарзынаԥшуа ауааԥсыра.
Саудтәи Аравиа, Египет, Иорданиа, Судан злоу жәларбжьаратәи акоалициа иҳаҩсыз амчыбжь азы арратә операциа Иемен иалагеит, уи рзынархоуп аиҿкаара "Ансар Алла" иалахәу, урҭ аҳәынҭқарра аиҳарак рнапаҵаҟа иҟоуп.
