Урыстәыла ахада Владимир Путин ишиашоу ицо аефир ала иқәгылара мҩаԥысуан х-сааҭки 57 минуҭи.
Ари аамҭа иалагӡаны аҳәынҭқарра ахада рҭак ҟаиҵеит 74 зҵаара. Аефир ахьынӡацоз урыстәылатәи арегионқәа фба рҟынтә ажурналистцәа аҭыԥантәи ауааԥсыра рызҵаарақәа ҭыхны иаарышьҭуан.
Итрадициатәу ателехәаԥшратә ефирқәа цәырҵит Путин раԥхьатәи иҿҳәара анцоз аамҭазы, 2001 шықәса, ԥхынҷкәын 24 рзы. Зегь раасҭа ирацәаны ицоз ауааԥсыра рацәажәара мҩаԥган 2013 шықәсазы, уи наӡон 4 сааҭки 47 минуҭи. 2004, 2012 шықәсақәа рзы ари еиԥш формат змоу аефирқәа мҩаԥгамызт. Аҵыхәтәантәи мҩаԥысит 2015 шықәса, мшаԥымза 17 рзы. Ԥшь-сааҭк инарзынаԥшуа амҭа иалагӡаны Владимир Путин рҭак ҟаиҵеит 80 зҵаара инарзынаԥшуа. Урҭ рҟынтә 35 рызкын Украина иҟоу аҭагылазаашьеи, Крым азҵаареи.
