Апроект "Аиааира Ду ҳзаазгаз" Аԥсны амҩадуқәа рахь ицәырҵуеит

© Sputnik Томас ТхайцукПроект "Лица победы"
Проект Лица победы - Sputnik Аҧсны
Анапаҵаҩра
Аџьынџьтәылатә Еибашьра Ду аҿы 70-тәи Аиааира амшныҳәа аламҭалаз Аԥсны амҩадуқәа рҿы ишьақәыргылахоит аветеранцәа рсахьақәа зну абаннерқәа.

АҞӘА, мшԥ 23 – Sputnik, Асҭанда Арӡынԥҳа. Аԥшьашаҽны, мшаԥы 23 рзы Апроект "Аиааира Ду ҳзаазгаз" авиртуалтә ҳәаақәа ирҭыҵуеит, иҳәеит аинформациатә маҵзура "Sputnik" аиҳабы Инал Лазба.

Инал Лазба иажәақәа рыла, 2015 шықәса, жәабран 2 инаркны апроект актәи аетап аҳәаақәа ирҭагӡаны "Sputnik Аԥсны" асаит аҟны ианылон аветеранцәа ирызку аочеркқәа, афотосахьақәа, авидеонҵамҭақәа. Апроект аҩбатәи аетап аҟны еизгоу аматериалқәа ииагахоит Аԥсны ахы-аҵыхәа икыдҵахо абанерқәа рахь. Раԥхьатәи абаннер шьақәдыргылоит аԥшьашаҽны, Аҟәа.

"Ҳара лассы-лассы иаабоит аҭоурых аицакра, ҿыц аҩра иашьҭоу ауаа шыҟоу. Убри аҟнытә, апроект "Аиааира Ду ҳзаазгаз" злашьақәгылоу аветеранцәа ргәалашәарақәа аҭагылазаашьа аԥнаҵоит Аџьынџьтәылатә еибашьра шыҟаз аиаша ауаа рызнагаразы", — иҳәеит Лазба.

Аинформациатә маҵзура "Sputnik Аԥсны" аиҳабы инаҵшьны иазгәеиҭеит апроект “Аиааира Ду ҳзаазгаз” амҩаԥгара шалымшоз Аԥсны Адәныҟатәи аусқәа рминистрраҿы еиҿкаау Адипломат ҿарацәа рхеилак ацхыраара ада.

"Есышықәса Аџьынџьтәылатә еибашьра ду иалахәыз аветеранцәа рхыԥхьаӡара иагхоит. Иҳацәцоит аҩбатәи адунеитә еибашьра зхызгаз, урҭ рыԥсҭазааратә ҭоурых. Апроект “Аиааира Ду ҳзаазгаз" абзоурала Аԥсны иқәынхо ауааԥсыра зегьы алшара роуеит рааигәа иҟоу аибашьра иалахәыз аветеранцәа рҭоурых аилкааразы", — азгәалҭеит Амина Лазԥҳа.

Sputnik Аԥсны Аџьынџьтәылатә Еибашьра Ду аҿы 70-тәи Аиааира амшныҳәа иазку апроект "Аиааира Ду ҳзаазгаз" аҩбатәи аетап иалагеит мшаԥымза ҩба рзы. Амультимедиатә маҵзура Sputnik Аԥсны акорреспондентцәа Аԥсны инхо Аџьынџьтәылатә еибашьра ду аветеранцәа ирызкны 70 инареиҳаны аочеркқәа рҩит.

Апроект "Аиааира Ду ҳзаазгаз" мҩаԥысуеит Аԥсны Аҳәынҭқарра ахада иусбарҭеи, Аԥсны Адәныҟатәи аусқәа рминистрраҿы еиҿкаау Адипломат ҿарацәа рхеилаки, аилахәыра АҞӘАФОНи, рыцхыраара ала. Мшаԥымза 23, асааҭ 11:00 рзы асасааирҭа "Атриум Викториа" аконференц-зал аҟны имҩԥысуеит 1941-1945 шықәсқәа рзтәи Аџьынџьтәылатә Еибашьра Ду аҿы Аиааира 70 шықәса ахыҵра иазку апроект "Аиааира Ду ҳзаазгаз" аиҿкааҩцәа рыпресс-конференциа. Апресс-конференциа анхыркәшахалак ишьақәыргылахоит апроект "Аиааира Ду ҳзаазгаз" раԥхьатәи абаннер, асасааирҭа "Атриум Викториа" аҿаԥхьа, Ҷанба имҩала.

Ажәабжьқәа зегьы
0