Аԥсуа ветеранцәа адунеи аҟны аҭынчра хьчазарц рҭахуп

Анапаҵаҩра
НовостиTelegram
Аинформациатә хеилак Sputnik Аԥсныи Адипломат ҿарацәа рхеилаки Аџьынџьтәылатә еибашьра Ду аҿы Аиааира 70-шықәса ахыҵра иазку апроект "Аиааира ду ҳзаазгаз" ӡырыргеит.

Апроект "Аиааира ду ҳзаазгаз" аиҿкааҩцәа ажурналистцәа апроект ахырхарҭеи аидеиа хадеи реилдыркааит, иара убас апроект аҩбатәи аетап шалаго атәы рыларҳәеит.

Апресс-конференциа зхы алазырхәыз аветеранцәа, апроект аиҿкааҩцәа рус ахә ҳааркны иршьеит, аҿар аҭынчреи аиҩызареи рыгымзааит ҳәа рҳәеит.

"Аиҩызара шәырӷәӷәала. Уи ауп ҳара ҳамч", — лҳәеит Аџьынџьтәылатә еибашьра Ду аветеран Нонна Дорофеева.

Апроект "Аиаара ду ҳзаазгаз"  Аџьынџьтәылатә еибашьра Ду 70-шықәса ахыҵра иазкуп, апроект аусура иалагеит мшаԥы 2 рзы. Аԥсны инхо 80-ҩык аветеранцәа инареиҳаны  аинформациатә хеилак Sputnik Аԥсныи, Адипломат ҿарацәа рхеилаки  еицхырааны еиҿыркааз апроект иафырхацәахеит. Апроект аусура иацхрааит Аԥсны ахада иусбарҭа, Аԥсны Адәныҟатәи аусқәа рминистрра, иара убас аилахәыра АҞӘАФОН.

Ажәабжьқәа зегьы
0