АҞӘА, мшԥ 27 — Sputnik. Маи 9 рзы Аҟәа имҩаԥысуа арратә парад аԥснытәи аруаа ирыцны ацәаҳәа иқәсуеит Аладатәи арратә округ аколлонақәеи, Аԥсны иҟоу Урыстәыла Ашәарҭадаратә хеилак Аҳәаахьчаратә усбарҭа аусзуҩцәеи ҳәа аанацҳауеит РИА Новости, аокруг апресс-маҵзура адыррақәа рыла.
Зынӡа агәырӷьаратә уснагӡатәрхы аладырхәуеит Аладатәи арратә округ амаҵурауаа 50-ҩык инарзынаԥшуа, ҩ-парадттә коробкак ирыцны.
"Аиааира амш аҽны Аҟәа, Идырым асолдаҭ ибаҟа аҿаԥхьа апарад рхы аладырхәуеит Аладатәи арратә округ еизаку аротақәеи, Аԥсны иҟоу Урыстәыла Ашәарҭадаратә хеилак Аҳәаахьчаратә усбарҭа амаҵурауаа, иара убас Аԥсны Атәылахьчара аминистрра архәҭақәа", — аҳәоит адырраҭара.
Иара убас, ашәарҭадара ахьчаразы Аџьынџьтәылатә Еибашьра Ду аҿы Аиааира 70 шықәса ахыҵра азгәаҭараан иҷаԥшьалоит Аладатәи арратә округ абаза иатәу аминаҵхратә гәыԥ.
