ГАГРА, лаҵ 6 – Sputnik, Саида Жьиԥҳа. Гьаргь ацқьа иҟәырҷаха лаҵарамза хәба инаркны жәабанӡа Ипати Гангртәи иуахәамаҟны иҟазаауеит. Ауахәамахь ашьыжь инаркны ауаа неиуеит, Анцәа имҵаныҳара иалахәуп. Ауахәама ашҟа инеиуеит аҭыԥантәи ауаа рыдагьы Гагра асасцәагьы.
"Ҳара Аԥсныҟа ҳанаа иҳаҳаит Гагра VI ашәышықәса иаҵанакуа ауахәама шыҟоу, уаҟа Гьаргь Ацқьа иҟәырҷыхақәа шыҟоу. Ҳара гәахәара дула ауахәама ҳаҭааит, ацәашьқәа аҳаркит. Ҳаԥхьаҟа ҳгәы иҭоуп ари ауахәама аҟны агәыргьынхаҵара мҩаԥаагарц", — рҳәеит Ростовынтәи иааз, ааигәа еибагаз Ксениеи Дмитрии.
Гьаргь ацқьа иҟәырҷаха Ипати Гангртәи иуахәамахь Урыстәылантә иааргеит.
"Аҟәарҷыхақәа ауахәамаҿ иҟанаҵы анцәахаҵаратә литургиақәа мҩаԥган. Лаҵарамза 9 рзы Аиааира амш азы аибашьраҿы иҭахаз аибашьцәа рыхьӡала анцәаимҵаныҳәара", — иҳәеит ауахәама иахылаԥшуа Александр Иаблоков.
