Аветеран Шерозиа игәалашәарақәа рышәҟәы рашәарамзазы иҭыҵуеит

© Sputnik Томас ТхайцукВетеран ВОВ Шерозия Михаил Парменович.
Ветеран ВОВ Шерозия Михаил Парменович. - Sputnik Аҧсны
Анапаҵаҩра
Аџьынџьтәылатә еибашьра ду аветеран Михаил Шерозиа игәалашәарақәа рышәҟәы "За огненной стеной" аҟны дызнысыз иеибашьратә мҩа дахцәажәоит.

АҞӘА, лаҵ 12 – Sputnik, Бадраҟ Аҩӡба. Аџьынџьтәылатә еибашьра ду аветеран Михаил Шерозиа игәалашәарақәа рышәҟәы "За огненной стеной" аҭыжьра ҳгәы иҭоуп рашәарамза анҵәамҭазы, иҳәеит Асоциалтә программақәа рыцхраараразы Урыстәыла амилаҭтә фонд аиҳабы Андреи Сергеев.

"Ҳара ҳгәы иҭоуп рашәарамза анҵәамҭазы ашәҟәы аҭыжьра", — азгәеиҭеит Сергеев.

Аветеран Шерозиа Украинатәи актәи афронт дшалаз аибашьра зегьы дахысит - Sputnik Аҧсны
Аветеран Шерозиа Актәи украинатәи афронт дшалаз аибашьра зегьы дахысит

Андреи Сергеев иажәақәа рыла, макьана еилкаам ашәҟәы атираж зеиԥшрахо.

"Ҳгәаанагарала, ашәҟәы 200 инаркны 500 екзеплиар рҟынӡа ҟалоит. Уи азҵаара еилкаахоит ашәҟәы аҭыжьразы акьыԥхьырҭа иақәнаҵо ахәԥса анырҳәалак ашьҭахь", — иҳәеит Сергеев.

Асоциалтә программақәа рыцхраараразы Урыстәыла амилаҭтә фонд ақәҿнаҭит Sputnik аҟны икьыԥхьыз астатиа. Уаҟа Аџьынџьтәылатә еибашьра ду аветеран Михаил Шерозиа игәалашәарақәа рышәҟәы ҭижьырц шиҭаху, аха афинанстә ҭагылазаашьа шимам атәы иҳәеит.

Ажәабжьқәа зегьы
0