Аԥсшьаратә сезон аламҭалаз Аԥсни Урыстәылеи рҳәаа еиԥҟьарада аус ауеит

© Sputnik Томас ТхайцукАбхазо-российская граница.
Абхазо-российская граница. - Sputnik Аҧсны
Анапаҵаҩра
НовостиTelegram
Аԥсны ахада Рауль Ҳаџьымбеи Урыстәыла ахада Владимир Путини лаҵарамза 15 рзы реиԥылараан иалацәажәеит аҩ-тәылак рҳәаахысырҭатә пунктқәа русзуҩцәа рхыԥхьаӡара аизырҳара атема, ауаа аҳәаа рахысраан ауадаҩрақәа рԥымларц.

ԤСОУ, лаҵ 18 — Sputnik, Бадраҟ Аҩӡба. Аԥсшьаратә сезон аламҭалаз Аԥсни Урыстәылеи рҳәаа еиԥҟьарада аус ауеит ҳәа ааицҳауеит аушьҭратә-гәаҭаратә пункт "Ԥсоу" аҟнытә Sputnik акорреспондент.

"Уаанӡа урыстәылатәи аган ала акабинкақәа зегьы аус руӡомызт, уажәы — зегь аартуп, проблемада аҳәаа сахысит", — лҳәеит лассы-лассы аҳәаа иахысуа атәылауаҩ Лиалиа Ҭарԥҳа.

Лара лажәақәа рыла, аҳәаа ахысраҿы апроблема аҟамзаара макьана ауаа ахьмаҷу иахҟьозаргьы ҟалап.

Аԥсны ахада Рауль Ҳаџьымбеи Урыстәыла ахада Владимир Путини лаҵарамза 15 рзы реиԥылара алҵшәақәа рыла, Рауль Ҳаџьымба иазгәеиҭеит аҩ-тәылак рҳәаахысырҭатә пунктқәа русзуҩцәа рхыԥхьаӡара аизырҳара атема ишалацәажәз, ауаа аҳәаа рахысраан ауадаҩрақәа рԥымларц.

"Ҳара ҳалацәажәон ҳтәылақәа рҳәааҿы аҩ-ганк рыла аҳәаахысырҭатә пунктқәа русзуҩцәа рхыԥхьаӡара ацҵара шаҭаху, аҳәаа аушьҭратә лшарақәа реизырҳаразы. Ҳалацәажәеит адәыӷбақәа рдәықәҵара азҵаарагьы. Уигьы аушьҭратә-гәаҭаратә пункт "Ԥсоу" аусура акыр иарманшәалоит", — иҳәеит Ҳаџьымба.

Ажәабжьқәа зегьы
0