АҞӘА, рашә 12 — Sputnik, Бадраҟ Аҩӡба. Аԥсны аделегациа аусутә визит аан 2016 шықәсазтәи ауснагӡатәқәа рыплан аус аицадуларазы еиқәышаҳаҭхеит, лҳәеит Аԥсны акультуреи аҭоурых-культуратә ҭынхақәеи рминистр Ельвира Арсалиа.
"Ҳара ҳаиқәышаҳаҭхеит аицпроектқәа рымҩаԥгаразы. Ауснагӡатәқәа мҩаԥгахалоит Аԥснеиԥш Ҭаҭарсҭангьы. Аҵак ду аманы иаҳзыҟан ҳколлегацәеи ҳареи ҳаицәажәарақәа. Акультура аминистрра анапхгара иҳадыргалеит ҳусзуҩцәа Казань ақалақь аҟны апрактика иахысырц", — ҳәа азгәалҭеит аминистр.
Ельвира Арсалиа иара убасгьы илҳәеит Ҭаҭарсҭанҟа имҩаԥысыз аусутә визит аан ишалыршахаз аҭоурых-культуратә ҭынха аусхк аҟны аусеицуразы аиқәшаҳаҭра адкылара.
"Абри ашықәс нҵәаанӡа Аԥсныҟа даараны дыҟоуп аҭоурых-культуратә ҭынха азҵаарарқәа рзы аминистр. Иара иазирхиоит ҳколлегацәеи ҳареи ҳаиԥылара. Ҭаҭарсҭан – акультуратә ҭынха дуӡӡа змоу тәылоуп, иахьазы урҭ рҟынтәи ҩ-обиектк ИУНЕСКО иаднакылахьеит", —лҳәеит Е. Арсалиа.
Ельвира Арсалиа иазылыԥхьаӡоит Аԥсни Ҭаҭарсҭани русеицура хра аманы иҟалоит ҳәа. Ҳара ҳаҭаан ииаабеит акьанџьатә театр. Ари ахәыҷтәы центр аҟны аус руеит адунеи аҟны еицырдыруа арежиссиорцәа. Сара сгәы иаанагоит Аԥсынгьы усеиԥш акы аиҿкаара алшоит ҳәа» азгәалҭеит Е. Арсалиа.
Аԥсны Аҳәынҭқарра аделегациа аусутә визит мҩаԥысуан рашәара 11 инаркны 14 рҟынӡа.
