АҞӘА, рашә 15 — Sputnik. Аԥхынтәи аамҭазы иеизҳауеит Аԥсны Аҳәынҭқарреи Қырҭтәылеи рҳәынҭқарратә ҳәаа иахьазгәаҭоу аҭыԥқәа рҟны акәымкәа иара убасгьы иахәҭаны иҟоу адокументтқәа рнапаҟны ирымамкәа аҳәаа иахысырц зыгәҭазкуа ахаҿқәа ҳәа аанацҳауеит Аԥсны иҟоу Урыстәылатәи Ашәарҭадаратә маҵзура аҳәаахьчаратә усбарҭа апресс-релиз аҟны.
Сынтәатәи ашықәс иалагазар аахыс 550-ҩык инареиҳаны Аԥсни Қырҭтәылеи рҳәаа иахырмыжьит, урҭ ауаа аҳәаа ахысразы иахәҭоу адокументқәа ахьрымамыз иахырҟьаны.
"Ауааи, атранспорт хархәагақәеи, аидарақәеи, атауарқәеи, аԥстәқәеи аҳәаа иахышьҭны роужьҭра ҵаҵӷәны иазыҟазароуп Аԥсны Аҳәынҭқарреи Ареспублика Қырҭтәылеи рҳәынҭқарратә ҳәаа ахысра азин узҭо адокументқәа", — аҳәоит апресс-релиз аҟны.
Аидарақәеи, атауарқәеи, аԥстәқәеи аҳәынҭқарратә ҳәаа рахыгаразы азин аҵаҵӷәы агәаҭара Аԥсны Аҳәынҭқарра ахылаԥшратә органқәа ркомпетенциа иаҵанакуеит ҳәа адырра ҟанаҵоит Аԥсны иҟоу Урыстәылатәи Ашәарҭадаратә маҵзура аҳәаахьчаратә усбарҭа.
