''Илахҿыху аилыргара'' иаадыртуа акинотеатр аҟны имҩаԥыргеит

© Sputnik Томас Тхайцук"Веселый субботник"
Веселый субботник - Sputnik Аҧсны
Анапаҵаҩра
НовостиTelegram
Аԥхынтә кинотеатр ҿыц Аҟәа рашәара 27 аҿар рымш аҽны иаартхоит. Аҧсны Ахада иабжьгаҩ Владимир Занҭариа аҿар еснагь рывагылара шаҭаху атәы дазааҭгылеит.

АҞӘА, рашә 21 — Sputnik, Саид Барганџьиа. Иаадыртраны иҟоу акинотеатр аҭыҧ аҟны ''Илахҿыху аилыргара'' мҩаҧыргеит, абри атәы Аҟәа ақалақь аусбарҭа аҿари аспорти рызҵаарақәа рзы акомитет аспециалист Есма Кәыҵниа Sputnik акорреспондент иалҳәеит.

Кәыҵниа лажәақәа рыла аҵыхәтәантәи аамҭазы аҧсуа жәлар аилыргарақәа ҽакала ирызнеиуа иалагет.

Аҟәа анхаҩы Кристина Харчлаа иаҳзеиҭалҳәеит ''Илахҿыху аилыргарахь'' дшымҩахыҵыз атәы.

"Сҩызеи сареи амузыка абжьы ҳаҳаит. Иахьгоз аҭыҧ  ҳаназааигәаха изҿыз анаҳба, ҳаргьы аҳәҳәагақәа аашьҭыхны ҳрывагыланы аусура ҳалагеит", — лҳәеит Харчлаа.

Аилыргара активла ихы алаирхәит аҳҭнықалақь анхаҩҷ Давид Ирадиан, иара игәаанагарала атәылауаа зегьы рықалақьқәа еиӷьхарц азы ирылшо ҟарҵалароуп, уи аус иацәымаашьозароуп.

"Аҿар рыбжьара иубартә иҟоуп рықалақь ишазыгәыбылуа. Уи аҩыза баны аҧеиҧш бзиа ҳамоуп ҳәа ҳҳәар ҳалшоит",- иациҵеит иара.

Аҧсны Ахада иабжьгаҩ Владимир Занҭариа аҿар еснагь рывагылара шаҭаху атәы дазааҭгылеит.

"Ас еиҧш агәаҳәара анроу рыцхыраара аҭахуп. Иарбан усзаалакгьы аҿар ибзиоу аус рнапы надыркы урывамгылар иашаӡам", — иҳәеит ахада иабжьгаҩ.

Ажәабжьқәа зегьы
0