Ҳаџьымбеи Нургалиеви арегион аҟны ашәарҭадара азҵаара иалацәажәеит

© Sputnik Томас ТхайцукҲаџьымбеи Нургалиеви арегион аҟны ашәарҭадара азҵаара иалацәажәеит. Аҭыԥантәи афото
Ҳаџьымбеи Нургалиеви арегион аҟны ашәарҭадара азҵаара иалацәажәеит. Аҭыԥантәи афото - Sputnik Аҧсны
Анапаҵаҩра
НовостиTelegram
Урыстәыла Ашәарҭадаратә хеилак амаӡаныҟәгаҩ ихаҭыԥуаҩ Рашид Нургалиев иусутә визит хыркәшоуп.

АҞӘА, ԥхынгәы 15 – Sputnik, Роберт Џьопуа. Аԥсны Аҳәынҭқарра ахада Рауль Ҳаџьымбеи Урыстәыла Ашәарҭадаратә хеилак амаӡаныҟәгаҩ ихаҭыԥуаҩ Рашид Нургалиеви атәылақәа рыҩбагьы ашәарҭадара аусхк аҟны русеицура аҿиаразы апланқәеи аԥеиԥшқәеи рызҵаареи егьырҭ еиуеиԥшым аԥсуа-аурыс еизыҟазаашьақәа рызҵаарақәеи ирылацәажәеит ҳәа аҳәоит атәыла ахада  иофициалтә саит аҟны иҟоу адырраҭара.

Аԥсны Аҩныҵҟатәи аусқәа рминистр Беслан Ҳагба - Sputnik Аҧсны
Беслан Ҳагба: Нургалиеви сареи ҳаиԥылара алҵшәа змаз еиԥыларан

"Аԥсни Урыстәылеи Ршәарҭадаратә хеилакқәа рыбжьара анапы зҵарҩыз аусеицура Аплан ҳәарада, аус зуа документуп. Сара агәра згоит уа иарбоу аусқәа зегь шынагӡахо, аусбарҭақәа рҟны аус здыруло аматериалқәагьы анапы шрыҵаҩхо. Егьи аганахьала, иарбоу ахырхарҭақәа – атәылахьчара азҵаареи, аинформациа-координациатә центр азҵаареи, аҳәаахьчара азҵаареи рҟны аусура мҩаԥгалатәуп. Арҭ азҵаарақәа зегьы аҵак ду рымоуп, еиҳаракгьы Аԥсны азы. Ҳара ирықәҿаҳҭлароуп ҳтәыла хәыҷы акәша-мыкәша имҩаԥысуа апроцессқәа зегьы. Убри азы Урыстәылеи ҳареи ҳаиҩызареи ҳастратегиатә еидгылареи даара акраҵанакуеит", — иҳәеит Рауль Ҳаџьымба.

Рашид Нургалиев иазгәеиҭеит иахьа, Аԥсны апрофильтә министррақәеи аусбарҭақәеи рхадацәеи иареи реиԥыларақәа раан иҟоу аҭагылазаашьа ахәшьара шаҭаз. Иара убасгьы иациҵеит ашәарҭадареи азинеиҿкаареи русхк аҟны аҭагылазаашьа  аиӷьтәразы ауснагӡатәқәа ишрылацәажәаз.

"Ҳара иахьа даара аус бзианы иаауит. Еиҭахгьы сазыхынҳәыр сҭахуп Урыстәылеи Аԥсни ршәарҭадаратә хеилакқәа раппаратқәа рыбжьара аусеицуразы Аплан анапы шаҵаҩыз. Ари иалнаршоит ҳара ԥхьаҟа ҳцара. Ҳколлегацәа иҟарҵо ахәшьарақәа ҳарзыӡырҩит, исҳәар сҭахуп урҭ зегьы ҵаҵӷәыркны ишыҟоу. Ари, хыхь ишазгәасҭаз еиԥш, ԥхьаҟатәи ҳаизыҟазаашьақәа рыҿиара иашьаҭаны иҟоуп. Иара иалнаршоит Аԥсны аҭышәынтәалареи, ашәарҭадареи, аекономикатәи асоциалтәи ҿиареи аимпульс ҿыц роуа аҭагылазаашьа аԥҵара", — азгәеиҭеит Нургалиев.

Уаанӡа Урыстәыла Ашәарҭадаратә хеилак амаӡаныҟәгаҩ ихаҭыԥуаҩ Рашид Нургалиев дырԥылеит Аԥсны Аҩныҵҟатәи аусқәа рминистр Беслан Ҳагбеи Атәылахьчара аминистр Мираб Кьышьмариеи.

Аҩныҵҟатәи аусқәа рминистр  Ҳагба иазгәеиҭеит аиԥылараҟны Аԥсни Урыстәылеи Аҩныҵҟатәи аусқәа рминистррақәа ринформациа-координациатә центр аԥҵаразы аиқәшаҳаҭра апроект ишалацәажәаз.

Рашид Нургалиев усутә визитла Аԥсны даҭааит

"Ирацәаны азҵаарақәа ирылацәажәан, ари апроектгьы уахь иналаҵаны. Иазгәасҭоит иахьа уи инарҭбааны ҳшаламцәажәаз, избанзар аиқәшаҳаҭра апроект ауп макьаназ иҳамоу. Ҳара иазгәаҳҭаз аинформациа-координациатә центр аҟазаара аҭахны ишыҟоу ауп", — азгәеиҭеит аминистр.

Беслан Ҳагба иажәақәа рыла, аиԥылараҟны еиҳа излацәажәо зҵаарақәаны иҟаз Аԥсны Аҩныҵҟатәи аусқәа рминистрра аштаттә аки аԥаразоужьреи ракәын.

Ажәабжьқәа зегьы
0