АҶА: 2015-тәи ашықәс ҳҭалеижьҭеи 11-ҩык ӡааҟәрылахьеит

© Sputnik / Андрей Иглов / Амедиаҵәахырҭахь аиасраСпасательный круг висящий на ограждении буны на пляже. Архивное фото.
Спасательный круг висящий на ограждении буны на пляже. Архивное фото. - Sputnik Аҧсны
Анапаҵаҩра
НовостиTelegram
Аҭагылазаашьа ҷыдақәа рзы аминистр ихаҭыԥуаҩ, аполковник Тигран Делибалтиан иаҳзеиҭеиҳәеит аӡаҟны ауааԥсыра ршәараҭадара аиқәыршәаразы иҟоу апроблемақәа ртәы.

АҞӘА, ԥхынгәы 31 — Саид Барганџьиа. 2015-тәи ашықәс ианалага инаркны 11-ҩык амшын аҟны иӡааҟәрылахьеит, урҭ рҟынтә хәҩык Аԥсны иатәылауаауп, хәҩык Урыстәыла иатәылауаауп, аӡәы – Финлиандиа, ҳәа ҳаиҳәеит Аҭагылазаашьа ҷыдақәа рзы аминистр ихаҭыԥуаҩ, аполковник Тигран Делибалтиан.

Аҭагылазаашьа ҷыдақәа рзы аминистрра: амцакра зыхҟьаз фымца еиҿҟьароуп

Делибалтиан иазгәеиҭеит АҶА амчрақәа рыла ари ашықәс аҩныҵҟа хҩык ауааԥсыра рыԥсҭазаарақәа шеиқәырхо.

Аминистр ихаҭыԥуаҩ иажәақәа рыла еиҳарак аӡаҟны ашәарҭадара аԥҟаррақәа иахьрықәымныҟәо ауп ауаа рыԥсҭбарақәа зыхҟьо, иара убасгьы ижәны ианыҟоу.

Аӡаҟны ауааԥсыра ршәарҭадара еиқәзыршәо хылаԥшратә органны иҟоуп, 2007 шықәса раахыс АҶА аилазаара иахыԥхьаӡало, зышәагаа кьаҿу аӷбақәа рзы аҳәынҭқарратә инспекциа ҳәа азгәеиҭеит иара.

Иара убасгьы иациҵеит зышәагаа кьаҿу аӷбақәа рзы аҳәынҭқарратә инспекциа ауснагӡатәқәа рахь иаҵанакуеит аӡаҟны ауааԥсыра ршәарҭадара аиқәыршәара аусхк аҟны аҳәынҭқарратә политика ашьаҭақәа реиҿкааразы ажәалагалақәа аус рыдулареи, Аԥсны аҩныҵҟа аӡқәа рҟны ауаа реиқәырхареи рыԥшаареи иара убасгьы зышәагаа кьаҿу аӷбақәа русура ахылаԥшра аиҿкаара.

"Ҳара иааиԥмырҟьакәа, уахи-ҽни аус аауеит. Аха, 220-километр инаӡо аҟәаратә цәаҳәаҟны ашәарҭадара аиқәыршәаразы ауаа ҳазхом. Хымԥаданы иаҭахуп аҽыкәабара асезон аамҭазы аиқәырхаҩцәеи, амедицинатә усзуҩцәеи аӡсараз ахархәагақәеи ахьыҟоу аусбарҭатә еиқәырхаратә постқәа реиҿкаара", — иҳәеит аминистр ихаҭыԥуаҩ.

Делибалтиан иара убасгьы иаҳзеиҭеиҳәеит аӡаҟны аӡсаратә хархәагақәагьы ӡыла аныҟәара аԥҟарақәа шеиларго.

"Дара ахархәагақәа рхаҭақәагьы ашәарҭадара атехника иақәшәо иҟам", — ациҵеит иара.

Аминистр ихаҭыԥуаҩ иажәақәа рыла, аҵыхәтәантәи ажәашықәса рыҩныҵҟа ареспубликаҟны иӡааҟәрылахьеит 145-ҩык ауааԥсыра. Иара иазгәеиҭеит аҽыкәабарҭатә зонақәа рҟны аиқәырхаратә постқәа ыҟазҭгьы ари аҟара ԥсыҭбара ҟаломызт ҳәа.

Ажәабжьқәа зегьы
0