АҞӘА, нанҳәа 17 — Sputnik. Жә-нызқьҩык артиллеристцәеи х-нызқь рҟынӡа аракета-артиллериатә бџьари, атехника ҷыдеи алархәны Аԥсни, Ермантәылеи, Аахыҵ Уаԥстәылеи иара убасгьы Аладатәи, Ҟрымтәи, Нхыҵ-Кавказтәи афедералтә округқәеи рҿы иҟоу аполигонқәа рҟны имҩаԥысуеит арратә ҽазыҟаҵарақәа ҳәа аанацҳауеит Аладатәи арратә округ апресс-маҵзура.
"Мызкы аҩныҵҟа аракетчикцәеи артиллеристцәеи рыпрофессионалтә ҟазара иаздырҳалоит, авзводқәеи, абатареиақәеи, адивизионқәеи реинырра мҩаԥыргалоит, иуадаҩу аҭагылазаашьаҟны ҳаамҭазтәи азеиԥшртә еибашьраан амотохысратәи атанктәи ҟәшақәа рыдгыларала аусдҵақәа рынагӡашьа еиҿыркаауеит. Ҷыдала иазхьаԥшуеит артиллериа акомандаҟаҵарҭатә пунктқәа рҟны аҽазыҟаҵарақәа", — аҳәоит аацҳамҭаҿы.
Аусбарҭа адыррақәа рыла, ахыркәшаратә етап аан имҩаԥысраны иҟоуп артиллериатә мцеи иаку амцатә реактивтә системақәа "Град-М", "Ураган", "Смерч" уҳәа рылеи ахысрақәа.
