АҞӘА, цәыббра 11 — Sputnik. Жәларбжьаратәи аинформациатә агентра Sputnik арадио Sputnik асаит sputnik-abkhazia.ru | sputnik-abkhazia.info аҟны аԥхьаҩцәа ирыдыргалараны иҟоуп џьип-триал азы аиндаҭларақәа рҟынтәи афотоҭыхымҭақәеи авидеокадырқәеи. Аицлабрақәа хдыртуеит Аԥсны, Аҟәа араион, Гәыма ақыҭан, цәыббра 11, асааҭ 17:00 рзы. Аԥсни Урыстәылеи рекипажқәа 30 рҟынӡа злахәу џьип-триал азы автомобилтә еицлабрақәа мҩаԥысуеит иԥсабаратәуи иԥсабаратәыми аԥынгылақәа змоу аҭыԥқәа рҟны. Аицлабра иахықәкны иҟоуп излалшо ала аамҭа кьаҿк инақәыршәаны иарбоу амҩа ахысра.
"Аԥсны автомабилтә спорт аҿиара иалнаршоит аҿар аспорт разхьарԥшра. Џьип-триал ҳара ҳҟны аекстрими ухызхуа аԥсабареи реилаӡҩара акәны иҟоуп. Алахәылацәеи ахәаԥшцәеи ирхамшҭуа аемоциа ссирқәа рнаҭоит", — иҳәеит Sputnik Абхазиа анапхгаҩы Инал Лазба.
Аиндаҭлара "Гәыма-2015" еиҿыркааит: автоклуб "Аиааира", аиҿкаара иадгылеит абаҩырҵәыреи аспорти рзы аҳәынҭқарратә Еилакы, Аҟәа ақалақь Ахадара аҿари аспорти рызҵаарақәа рзы Аусбарҭа иара убасгьы автомобилтә еилазаара "Джиперы Сочи". Sputnik (sputniknews.com) — ажәабжьтә агентра, арадиои амультимедиатәи хабқәа ацны жәабала атәылақәа рҟны аус ауеит. Иамоуп асаитқәа 30 рҟынӡа бызшәа рыла, аналогтәи ацифратәи радиодырраҭарақәа, асоциалтә ҳақәа рҟны — амобилтә цҵақәеи адаҟьақәеи. Уахи-ҽни иааиԥмырҟьаӡакәа Sputnik алентақәа ҭыҵуеит англыз, араб, аиспан, акитаи бызшәақәа рыла.
