2008 шықәса раахыс Европаҟа иахыҵыз ахҵәацәа рхыԥхьаӡара хынтә иазҳаит

© AFP 2022 / PETER KOHALMIМигрант пересекает линию границы между Сербией и Венгрией. 13 сентября 2015.
Мигрант пересекает линию границы между Сербией и Венгрией. 13 сентября 2015. - Sputnik Аҧсны
Анапаҵаҩра
НовостиTelegram
Апроект "Sputnik.Факты" аҳәаақәа ирҭагӡаны, агентра Sputnik иакьыԥхьуеит Европатәи атәылақәа рахь иахыҵыз ахҵәацәа рхыԥхьаӡаразы адыррақәа.

АҞӘА, жьҭаара 1 — Sputnik. Апроект "Sputnik.Факты" аҳәаақәа ирҭагӡаны, агентра Sputnik иакьыԥхьуеит Европатәи атәылақәа рахь иахыҵыз ахҵәацәа рхыԥхьаӡаразы адыррақәа. Евростат адыррақәа инарықәыршәаны ахҵәацәа реиҳараҩык Сириантәи иахыҵыз роуп (73 310-ҩык), Косово (58 920-ҩык), Афганисҭан (39 910-ҩык). Абарҭ атәылақәа рҟны ауп Америкатәи аштатқәеи дара рыдгылаҩцәеи еиуеиԥшым арратә операциақәа ахьымҩаԥыргоз.

Евростат адыррақәа шаҳаҭра руеит 2008 шықәса раахыс Европаҟа иахыҵыз ахҵәацәа рхыԥхьаӡара хынтәны ишазҳаз. Урҭ реиҳараҩык рыдыркылеит Венгриа, Швециа, Австриа атәылақәа. Иазгәаҭатәуп ахҵәацәа рыбжьара ахацәа 72% шыҟоу, аҳәса 28 процент. Ахацәа хҵәацәа рыбжаҩык (49%) 14 шықәса инаркны 34 шықәса роуп ирхыҵуа, аҳәса рыбжьара арҭ ашықәсқәа идыртәо 12% роуп.

Апроект "Sputnik.Факты" азы ардыррақәа

Жәларбжьаратәи аинформациатә агентреи арадио Sputnik, рпроект аҳәаақәа ирҭагӡаны имҩаԥнагоит атәылақәеи аиҿкаарақәеи (ООН, МВФ у.у.е.) рыстатистика шьаҭас измоу иактуалтәу аполитикатәи асоциалтәи темақәа рыла иҟоу адыррақәа.

Sputnik (sputniknews.com) жәабала атәылақәа рҟны амультимедиатә информациатә хабқәа змоу жәабыжьтә агентроуп. Иарахьы иаҵанакуеит асаитқәа, аналогтә радиодырраҭара, амобилтә цҵақәа, асоциалтә ҳақәа рҟны адаҟьақәа.

Ажәабжьқәа зегьы
0