Аԥсны иҟоу Урыстәылатәи арратә базаҟны аҽазыҟаҵарақәа хыркәшахеит

Анапаҵаҩра
Аԥсны иҟоу Урыстәылатәи арратә базаҟны сынтәатәи ашықәс иалагӡаны 100 инареиҳаны ҽазыҟаҵара мҩаԥыргеит.

АҞӘА, жьҭаара 14 — Sputnik. Аԥсны иҟоу Аладатәи арратә округ иатәу Урыстәылатәи арратә базаҟны ихыркәшахеит 2 000-ҩык рҟынӡа злахәыз арратә ҽазыҟаҵарақәа ҳәа аанацҳауеит Аладатәи арратә округ апресс-маҵзура.

Аҽазыҟаҵарақәа мҩаԥысуан апалигонқәа Гәдоуҭа, Нагвалоу, Ҵабал (Аԥсны), Молькино (Краснодартәи атәылаҿацә) рҟны. Ахысрақәа мҩаԥыргон атанк Т-90А аҟынтәи артиллериатә хысга 125-мм ала.

Апалигон Ҵабал аҟны амотохысцәа еиуеиԥшым ацәҟьарақәа ирықәкны ахысрақәа мҩаԥыргон ҳаамҭазтәи акәлаӡтәы-транспартиор БТР-82А иақәгылоу апушка 14,5-мм ала. Артеллиристцәа ахысрақәа мҩаԥыргон агаубица Д-30 (122-мм), аминамиот 2Б-11 "Сани" (122-мм) рҟынтәи.

Аҟәшақәа реинырра агәаҭара мҩаԥысуан арота тактикатә ҽазыҟаҵарақәа раан, уахынлагьы ҽынлагьы, иҷыдоу артә ҟәшахкқәа адыԥхьаланы – аҽыхьчареиԥш ажәыларатә тематикагьы рыла.

Аԥсны иҟоу Урыстәылатәи арратә базаҟны 2015-тәи ашықәс иалагӡаны 100 инареиҳаны атактикатә ҽазыҟаҵарақәа мҩаԥыргеит, иара убасгьы зқьы инареиҳаны арҵага-рратә хысрақәа.

Ажәабжьқәа зегьы
0