Аҟәатәи асааҭ хада аремонт хыркәшоуп

© Sputnik / Илона ХварцкияГородские часы.Завершился капитальный ремонт башенных часов в Сухуме
Городские часы.Завершился капитальный ремонт башенных часов в Сухуме - Sputnik Аҧсны
Анапаҵаҩра
НовостиTelegram
Аҟәа ақалақь Ахадара ахыбраҟны икыду асааҭ еиҭашьақәыргылоуп, ҩаԥхьа аус ауеит.

АҞӘА, жьҭаара 20 — Sputnik, Асҭанда Арӡынԥҳа. Аҟәа ақалақь Ахадара ахыбраҟны икыду асааҭ аремонт ҩы-мчыбжьа иаҿын иҳәеит асааҭ азҟаза Леонид Нинимиаги.

Асовет аамҭазы иҭыжьыз, тоннабжак рҟынӡа зкапануа амеханизм еимыхны, ахәҭақәа зегьы иҷыдоу хәшала идрыцқьеит. Аҩныҵҟатәи амеханизм 15 сантиметр рҟынӡа ишьҭаҳхит ҳәа азгәеиҭеит иара.

"1950 шықәса раахыс раԥхьаӡакәны асааҭ акапиталтә ремонт азаауит. Аремонт нап аҳаркижьҭеи мызки бжаки ҵуеит. Аԥхьагьы аиҭашьақәыргыларатә усурақәа мҩаԥаагеит, аха инагӡаны аремонт уажәоуп ианазаауз", — иҳәеит Нинимиаги.

Акурантқәа аус ддыруеит напыла. Аремонт ҟаҳҵаанӡа уи ҩымш иазхон, уажәы – хымш. Нинимиаги иазгәеиҭеит асааҭ амеханизм аремонт азура адагьы  иара ахьгылоу ахыбрагьы аремонт ахәҭаны иҟоуп ҳәа.

"Ахыбра 1914 шықәса рзы иргылан. Амҿлых, асааҭ зықәгылоу, ажәит", — ҳәа азгәеиҭоит иара.

Асаааҭ ҳаҳҭнықалақь ҳамҭас иарҭеит 1950 шықәсазы, Сталин идҵала – Аҟәа зегь рыцҳа ицқьоу қалақьс иахьалкаахаз азы.

© Sputnik / Илона ХварцкияМеханизм городских часов.
Механизм городских часов. - Sputnik Аҧсны
Механизм городских часов.
Ажәабжьқәа зегьы
0