Апрокуратура хада: Гәдоуҭа дшьуп Заур Аҩӡба

© Sputnik Томас ТхайцукГенеральная прокуратура
Генеральная прокуратура - Sputnik Аҧсны
Анапаҵаҩра
НовостиTelegram
Аусҭҵааҩцәа Заур Аҩӡба дызҭаршьыз амашьына амца шакыз ҭырҵаауеит.

АҞӘА, жьҭаара 20 — Sputnik. Гәдоуҭа, ашьыжь асааҭ 7 рзы, Пушкини Кьарази амҩадуқәа реихагаларҭаҿы жьҭаара 20 рзы ирбеит иблыз автомашьына "Mercedes-Benz", арныҟәцаҩ иҭыԥ аҟны  —  зыбжа блыз, Гәдоуҭа ақалақь аҟны инхоз, 1953 шықәсазы ииз Заур Аҩӡба иԥсыбаҩ ҳәа аанацҳауеит Аԥсны Апрокуратура хада апресс-маҵзура.

"Ахҭыс ахьыҟалаз аҭыԥ аҟны ирбеит  апатронақәа 4, 7,62 акалибр иаҵанакуа. Амашьына амца закыз ҭырҵаауеит. Заур Аҩӡба иԥсыбаҩ Гагра араион иатәу аӡбра-медицинатә експертиза абиуро ахь инашьҭуп", — ҳәа аанацҳауеит апресс-маҵзура.

Абри ахҭыс инадҳәаланы Гәдоуҭа араион апрокуратура ашьаус хацнаркит.

Иҟалаз ашьақәыргыларазы аусура иаҿуп  аусбарҭабжьаратә, аҭҵаара-оперативтә гәыԥ, Аԥсны Аҳәынҭқарра Апрокурор хада ихаҭыԥуаҩ Омиани Логәуа инапхгарала. Иҟоуп еиуеиԥшым агәаанагарақәа, арахь иаҵанакуеит Заур Аҩӡба инаплакратә усурагьы.

Заур Аҩӡба ЗҲәА "АЗН" директорс дыҟан, Лыхны ақыҭа иахьаԥну иҟоу аҩқәа ргьамагәаҭаратә зал ихатәын.

Ажәабжьқәа зегьы
0