АҞӘА, абҵара 17 — Sputnik Саид Барганџьиа. Асы ахьауыз инадҳәаланы апарк ахь уҩазго амҩа автобусқәеи амикроавтобусқәеи рзы иаҳаркуеит ҳәа лҳәеит Риҵатәи амилаҭтә парк адиректор Рита Лолуа.
Лолуа лажәақәа рыла, амҩа арыцқьара иаҿуп, аха иҵаауеит. Ауаа ршәарҭадаразы автобусқәеи амикроавтобусқәеи рныҟәара аамҭала иаанкылоуп.
"Ҳара иоуҳашьҭуа амашьына дуқәа роуп. Амҩа аҭагылазаашьа хылаԥшра аҳҭоит. Амҩа цқьазар, ишәарҭадоуп. Ус аан атурагентрақәеи ҳареи ҳҽеимаҳдоит, ираҳҳәоит Риҵаҟа ахалара шауа", — ҳәа азгәалҭеит апарк адиректор.
Рита Лолуа иара убасгьы иазгәалҭеит 2015 шықәса ажьырныҳәа 1 инаркны нанҳәа 31 рҟынӡа ишыҭииз 420 000 (адуцәа ртәы), 32 000 (ахәыҷқәа ртәы) билеҭ. Урҭ рыхәԥса иааидкыланы иартәеит 151, 5 миллион мааҭ аԥара.
Риҵатәи ареликттә милаҭтә парк шьаҭаркын 1996 шықәса рзы. Уаанӡа Риҵатәи аҳәырԥсарра ҳәа хьӡыс иаман. Апарк ахышәа-ҵышәа иартәоит 39 000 гектар. Ашьхараҟны иреиҵаӡоу аҳауа ахьшәашәара —30°С инаӡоит, иреиҳаӡоу аԥхаара +32 °С инаӡоит. Ауадҳара иахьаҵанакуа асы аҩаӡара 5-6 метра иҩеир алшоит. Ҭыԥқәак рҟны ашықәс зегьы асы зымӡыҭыкәа иаанхоит.
