АҞӘА, абҵара 23- Sputnik. Аԥсни Урыстәылеи ргәабзиарахьчаратә усҳәарҭақәа аиқәшаҳаҭра рнапы аҵарыҩуеит аҩаша, абҵара 24 рзы Аҟәа. Абри атәы аанацҳауеит Аԥсны
Агәабзиарахьчара аминистрра аинформациатә технологиақәа рыҟәша, Аԥсны Агәабзиарахьчара аминистр Андзор Гоови Урыстәыла Агәабзиарахьчара аминистр ихаҭыԥуаҩ Дмитри Костенникови.
Андзор Гоови Дмитри Костенникови алацәажәеит рнапы зҵарыҩраны иҟоу аиқәшаҳаҭрақәа.
"Иахьатәи аамҭазы ҳара ҳаиасуеит иҿыцу аизыҟазаашьақәа рахь. Уи зыдҳәало ҳзакәанԥҵара ԥхьаҟа арҿиароуп. Амедицинатә еиқәыршәареи хәшәыла аиқәыршәареи рызҵаарақәа рзы Аԥсны Аҳәынҭқарреи Урыстәылатәи Афедерациеи рзакәанԥҵарақәа реиқәшәара алзыршо ауснагӡатәқәа рҿиалатәуп. Абасала еиҳа имариахоит ҳаинырра", — ҳәа ажурналистцәа ирзеиҭеиҳәеит Аԥсны Агәабзиарахьчара аминистр Андзор Гоов.
Агәабзиарахьчара аминистр Андзор Гоов ишиҳәаз ала Адокумент иаҵанакуеит аиқәшаҳаҭрақәа ҩба – анормативтә базеи ахәшәқәа алицензиа рыҭареи.
"Азырхиара иаҿуп аиқәшаҳаҭрақәа ҩба – анормативтә базеи ахәшәқәа алицензиа рыҭареи рганахьала. Арҭ азҵаарақәа аус рыдааулоижьҭеи акыр ҵуеит. Аус рыдырулон араҟагьы Урыстәылагьы. Аилибакаара бзиа ҳаман. Аиқәшаҳаҭра аусура иалагоит анапы анаҵаҩха инаркны", — иҳәеит Гоов.
"Аидгылареи астратегиатә еилахәыреи рзы" аиқәшаҳаҭра анапы аҵаҩын 2014 шықәса абҵара 24 рзы. 2015 шықәса хәажәкыра 5 рзы урыстәыла Адәныҟатәи аусқәа рминистрраҟны еимдан аиқәшаҳаҭразы аратификациатә шәҟәқәа. адокумент аусура иалагеит. Адокумент анагӡара хықәкыс иҟаҵаны аганқәа аус рыдырулоит аусҳәарҭабжьаратә еиқәшаҳаҭрақәа.
