Канделаки: Гагра ирыԥшааз аԥсыбаҩ V-VI ашәышықәсақәа ирыҵаркуеит

© Фото : Гагра ТВАнтрополог Давид Канделаки археологиатә ԥшаамҭа аҭыԥ аҿы.
Антрополог  Давид Канделаки археологиатә ԥшаамҭа аҭыԥ аҿы. - Sputnik Аҧсны
Анапаҵаҩра
Аԥсуа ҭҵааратә институт аусзуҩ, Гагратәи амузеи-ҳәырԥсарра "Абааҭа" адиректор Давид Канделаки иаҳзеиҭеиҳәеит Гагра абҵарамзазы иаадырԥшыз аԥсыбаҩ аӡбахә.

АҞӘА, ԥхынҷкәын 9 — Sputnik, Саид Барганџьиа. 2014 шықәса рзы Гагра иаадырԥшыз аԥсыбаҩ археологцәа ргәаанагарала ҳара ҳашқәсԥхьаӡара V-VI ашәышықәсақәа ирыҵаркуеит, ҳәа ҳзеиҭеиҳәеит Д. Гәлиа ихьӡ зху Аԥсуа ҭҵааратә институт аусзуҩ, Гагратәи амузеи-ҳәырԥсарра "Абааҭа" адиректор Давид Канделаки.

Акыр зҵазку археологиатә ԥшаара ҟаҵан Гагра

Канделаки иажәақәа рыла аусура хԥа-ԥшьба хырхарҭа аманы имҩаԥысуан, аиҳаракгьы археологиеи антропологиеи рхырхарҭала. Иара иазгәеиҭеит аусурақәа ахьымҩаԥысуаз аҭыԥқәа рҟны иара убасгьы азеиԥш ҭоурых ҟазшьа змоу аусурақәа мҩаԥыргон ҳәа.

"Сара аҭоурых ҭагылазаашьа анализ азура иазку аусура мҩаԥызгон. Аԥсыбаҩқәа аарԥшын акаҭран аҵаҟа, 1,8 метра инарҵауланы, ажәытә аҟәара иахьаҵанакуаз аԥслымӡраҟны", ҳәа еиҭеиҳәеит гагратәи амузеи "Абааҭа" адиректор.

Канделаки иазгәеиҭеит аԥсыжырҭа атехника ахәҭакахьала аԥхасҭа шанаҭаз.

"Аха ҳара иҳалҳаршеит аԥсыбаҩ ахыбаҩи ҵаҟатәи ацламҳәеи шеибгаз рҭыгара. Иахьазы ахыбаҩ аҭҵаароуп ҳазҿу", — иҳәеит аҵарауаҩ.

Канделаки ишазгәеиҭаз ала иубартә иҟоуп аԥсыбаҩ зтәу дшыԥҳәысу. Иара иажәақәа рыла ишьақәыргылоуп аԥсыбаҩ зтәу лышықәс, аԥхьа, аҭыԥаҟны уи 30-35 шықәса иреиҳам ҳәа азырыԥхьаӡеит, аха нас, еиҳа инарҵауланы ианҭырҵаа ашьҭахь – 28-32 шықәса роуп илхыҵуаз ҳәа ишьақәдырӷәӷәеит.

Иҟалап ари аҭыԥ аҟны аԥсыжырҭа ыҟазар, иҟалап уи ус шакәу ҳаԥхьаҟатәи аартрақәа ишьақәдыргылар. Аха аԥсыбаҩ аҭҵаара акыр иуадаҩ усуп.

"Иаабаз аԥсыбаҩ инагӡаны анализ азун. Ҳәарада хыбаҩк ала алкаақәа рыҟаҵара иашам аха иааидкыланы ахыбаҩ ашьақәгылашьа аҭыԥантәи ауааԥсыра ирзыҟазшьа ҷыданы иҟоуп. Ҳаамҭазтәи Аԥсны понтииски тип ҳәа изышьҭо дахаҭарнакны дыҟан абаҩқәа зтәу ауаҩԥсы", — иҳәеит Канделаки.

Иара иажәақәа рыла ахыбаҩ аҭагылазаашьа иалнаршоит ԥхьаҟазы абри аԥҳәыс лхаҿсахьа ашьақәыргылара.

"Аусурақәа реихшьаалақәа акьыԥхьра иазыԥшуп, иахьатәи ҳауаажәларгьы ирбар рылшоит ажәытәӡа ҳазхылҵыз рхаҿсахьа", — иҳәеит Агуманитартә ҭҵаарақәа ринститут аусзуҩ, Гагратәи амузеи-ҳәырԥсарра "Абааҭа" адиректор Давид Канделаки.

Гагра, Абааҭа ааигәара аӡымҩангага ашьҭаҵараан, ҵыԥх, абҵарамзазы ирбеит аԥҳәыс лыԥсыбаҩ, аџьаз иалху анапхаҵақәа, агәлаҵа. Аҵарауаа ргәаанагарала аԥсыбаҩ ажырҭа ҳашқәсԥхьаӡара афбатәи ашәышықәса иаҵанакуеит. Археологцәа иазырыԥхьаӡоит абри аҭыԥ аҟны аԥсыжырҭа ду ыҟан ҳәа. Дара ргәаанагарала ааигәа џьара иҟазароуп ажәытә еиланхарҭагьы.

© Фото : предоставлено Давидом КанделакиАнтрополог Давид Канделаки аԥшаамҭа инапаҟны икуп.
Антрополог Давид Канделаки. - Sputnik Аҧсны
Антрополог Давид Канделаки аԥшаамҭа инапаҟны икуп.

 

Ажәабжьқәа зегьы
0