АҞӘА, ԥхынҷкәын 17 — Sputnik. Аԥсны иҟоу Аладатәи арратә округ аимадаҩцәа ирҵараны иҟоуп иҿыцу арадиорелеинтә станциақәа Р-419 Л1, аспутниктә еимадара "Белозер" апортативтә станциақәа рхархәашьа ҳәа аанцҳауеит Аԥсны иҟоу Аладатәи арратә округ апресс-маҵзура.
"Аррамаҵзурауаа еимадаҩцәа ирҵараны иҟоуп иҿыцу арадиорелеинтә станциақәа Р-419 Л1 (автомабиль "КамАЗ" иақәгылоу), аспутниктә еимадара "Белозер" апортативтә станциақәа (акоманда-штабтә машьына БТР-80 иақәгылоу) рхархәашьа", ҳәа аанцҳауеит Аԥсны иҟоу Аладатәи арратә округ апресс-маҵзура.
Иара убасгьы аимадаҩцәа имҩаԥыргараны иҟоуп еиуеиԥшым адиапазон лассы-лассрақәа рҟны акомплекстә зыҟаҵарақәа, ишьақәдыргылараны иҟоуп еиҭаҵуа анапхгаратә пунктқәа дара-дара рыбжьара ирымоу адыррақәа аелектронтә еимырдара рырҭараны иҟоуп.
"Белозер" азырхоуп аспутниктә радиоеимадара аҳақәа реиҿкаара. Иара ацхыраарала иалшоит ацифратәи атекстәи дыррақәа рынашьҭра, аспутник ахархәарала адунеи иахьабалак абонент иацәажәара. Астанциа аусура еиқәнаршәоит амаҵзуратә еимадареи иарку ателефонтә еимадареи.
Арадиостанциа школшәырак иаҟароуп, 16 кьыла акапануеит, аӡәы ихала инеига-ааигоит.
