АҞӘА, ԥхынҷкәын 28 — Sputnik. "Иаарласны Урыстәылеи Аԥсни ииасраны иҟоуп иҿыцӡоу аиныррахь. Ԥхынҷкәын 29 рзы иазыԥшуп Аԥсныҟа иаара Урыстәыла Афедерациа Апрезидент ицхырааҩ Владислав Сурков. Еиԥылараны иҟоуп атәыла Ахада Рауль Ҳаџьымбеи иареи2, ҳәа ажурналистцәа иреиҳәеит Алексеи Чеснаков.
Иара иазгәеиҭеит атәылақәа шазыхио ашьаҿа ҿыцқәа рыҟаҵара. Уи азы иҟаҵо шырацәоу, иаҳҳәап авизит аламҭалаз Аԥсны аратификациа азнауит астратегиатә документ — аминистррақәа ҩба рыбжьара Аиқәшаҳаҭра.
Адокумент иазыԥхьагәанаҭоит Урыстәылеи Аԥсни иаку ар ргәыԥ аԥҵара.
Чеснаков иара убасгьы иҳәеит Урыстәыла аратификациа шазнауз Аԥсны инхо атәанчаҩцәа ртәанчахәқәа реизырҳаразы Аиқәшаҳаҭра. Убри азы Урыстәыла иазоунажьраны иҟоуп 230 миллион мааҭ 2015 шықәсазы, 288 миллион мааҭ 2016 шықәса рзы. Атәанчахәы еизырҳахоит: 20% — 2015ш. 40% — 2016ш. рзы.
Иара убасгьы ирылацәажәахоит еиуеиԥшым азҵаарақәа.
