Аинвестициатә программа аҳәаақәа ирҭагӡаны 4,7 миллиард Аԥсны иаиуеит

© Sputnik / Владимир Трефилов / Амедиаҵәахырҭахь аиасраАԥара.
Аԥара. - Sputnik Аҧсны
Анапаҵаҩра
Афинанстә цхыраара аҳәаақәа ирҭагӡаны 2015 шықәса ԥхынҷкәын 1 азынӡа Аԥсны иазоужьуп 1,9 миллиард мааҭ аԥара. Уи ашықәстә лимит аҟынтәи 87% артәоит иҳәеит Урыстәылатәи Афедерациа Аԥыза-министр ихаҭыԥуаҩ Александр Хлопонин.

АҞӘА, ԥхынҷкәын 23 — Sputnik. Урыстәылатәи Афедерациа Аԥсны иазоунажьуеит 4,7 миллиард мааҭ 2016 шықәса рзы, аинвестициатә программа аҳәаақәа ирҭагӡаны ареспублика асоциал-економикатә ҿиара ацхыраара аҭаразы, иҳәеит Урыстәылатәи Афедерациа Аԥыза-министр ихаҭыԥуаҩ Александр Хлопонин.

"2016 шықәса рзы Аинвестициатә программа аҳәаақәа ирҭагӡаны ипланыркны иҳамоуп 35 уснагӡатә. Урҭ рынагӡара иартәоит 4,7 миллиард мааҭ. Ара иазгәасҭар сҭахуп арҭ аԥарақәа уаанӡатәи ашықәсқәа раан ареспублика иазоужьыз аԥарақәа акыр ишреиҳау. Даара хәыцрыла рныхра ҳазнеироуп", — иҳәеит Хлопонин Урыстәылеи Аԥсни рыбжьара аҳәынҭқарратәбжьаратә комиссиа аилатәараҟны.

Иара убасгьы иҳәеит, афинанстә цхыраара аҳәаақәа ирҭагӡаны 2015 шықәса ԥхынҷкәын 1 азынӡа Аԥсны иазоужьуп 1,9 миллиард мааҭ аԥара ҳәа.

Ажәабжьқәа зегьы
0